BalrajSidhu7ਅਸਲ ਵਿੱਚ ਗੱਲ ਇਹ ਹੈ ਕਿ ਹਰਿਆਣੇ ਵਿੱਚ ਪਟਵਾਰੀਆਂ ਦੀ ਭਰਤੀ ...
(10 ਜੂਨ 2018)


ਕੁਝ ਸਾਲ ਪਹਿਲਾਂ ਮੈਂ ਇੱਕ ਸਬ ਡਵੀਜ਼ਨ ਦਾ ਡੀ.ਐੱਸ.ਪੀ. ਲੱਗਾ ਹੋਇਆ ਸੀਉੱਥੇ ਮੇਰਾ ਇੱਕ ਬਹੁਤ ਹੀ ਚਲਾਕ ਅਤੇ ਢੀਠ ਕਿਸਮ ਦੇ ਠੱਗ ਨਾਲ ਪੈ ਗਿਆਸਾਰੇ ਉਸ ਨੂੰ ਮਾਸਟਰ ਕਹਿ ਕੇ ਪੁਕਾਰਦੇ ਸਨਪਰ ਬਾਅਦ ਵਿੱਚ ਪਤਾ ਲੱਗਾ ਕਿ ਉਹ ਕਿਸੇ ਸਕੂਲ ਦਾ ਨਹੀਂ, ਬਲਕਿ ਠੱਗੀਆਂ ਮਾਰਨ ਦੇ ਖੇਤਰ ਦਾ ਮਾਹਰ ਮਾਸਟਰ ਸੀਫੀਲਡ ਵਿੱਚ ਆਮ ਤੌਰ ’ਤੇ ਪੁਲਿਸ ਦਾ ਵਾਹ ਚੋਰਾਂ, ਡਾਕੂਆਂ, ਕਾਤਲਾਂ ਅਤੇ ਠੱਗਾਂ ਆਦਿ ਨਾਲ ਪੈਂਦਾ ਹੈਇਹਨਾਂ ਸਾਰੇ ਮੁਜਰਮਾਂ ਵਿੱਚੋਂ ਠੱਗ ਸਭ ਤੋਂ ਜ਼ਿਆਦਾ ਅਕਲਮੰਦ, ਸ਼ਾਤਰ, ਮਿੱਠ ਬੋਲੜੇ ਅਤੇ ਘਾਗ ਹੁੰਦੇ ਹਨਬਾਕੀ ਅਪਰਾਧਾਂ ਵਿੱਚ ਅਪਰਾਧੀ ਸ਼ਿਕਾਰ ਨੂੰ ਕਿਸੇ ਹਥਿਆਰ ਨਾਲ ਡਰਾ ਕੇ ਜਾਂ ਕੁੱਟ ਮਾਰ ਕਰ ਕੇ ਲੁੱਟਦਾ ਹੈ, ਪਰ ਠੱਗੀ ਦਾ ਸ਼ਿਕਾਰ ਖੁਦ ਆਪ ਚੱਲ ਕੇ ਠੱਗ ਨੂੰ ਪੈਸੇ ਦੇ ਕੇ ਆਉਂਦਾ ਹੈਨਾਲੇ ਗੋਡੀਂ ਹੱਥ ਲਗਾਉਂਦਾ ਹੈ ਕਿ ਤੁਸੀਂ ਸਾਡੀ ਤੁੱਛ ਭੇਂਟ ਸਵੀਕਾਰ ਕਰਨ ਦੀ ਕ੍ਰਿਪਾ ਕੀਤੀਠੱਗ ਦੀ ਸਭ ਤੋਂ ਮੁੱਢਲੀ ਨਿਸ਼ਾਨੀ ਹੁੰਦੀ ਹੈ ਵਧੀਆਂ ਕੱਪੜੇ, ਸੋਨੇ ਦਾ ਮੋਟਾ ਕੜਾ ਅਤੇ ਚਾਰ ਪੰਜ ਛਾਪਾਂ, ਹੱਥ ਵਿੱਚ ਮਹਿੰਗਾ ਮੋਬਾਇਲ ਫੋਨ, ਵੱਡੀ ਗੱਡੀ (ਜੋ ਆਮ ਤੌਰ ’ਤੇ ਕਿਸ਼ਤਾਂ ’ਤੇ ਲਈ ਹੁੰਦੀ ਹੈ) ਅਤੇ ਸ਼ਾਨਦਾਰ ਦਫਤਰਇਹ ਤੁਹਾਡੇ ਦਿੱਤੇ ਪੈਸੇ ਨੂੰ ਬਿਨਾਂ ਗਿਣੇ ਦਰਾਜ਼ ਵਿੱਚ ਸੁੱਟ ਲੈਂਦੇ ਹਨ ਤਾਂ ਜੋ ਗਾਹਕ ਨੂੰ ਇਹ ਲੱਗੇ ਕਿ ਇਹ ਤਾਂ ਪੰਜ-ਸੱਤ ਲੱਖ ਨੂੰ ਸਮਝਦਾ ਹੀ ਕੁਝ ਨਹੀਂਪਰ ਉੱਧਰ ਠੱਗ ਇਸ ਲਈ ਨਹੀਂ ਗਿਣਦਾ ਕਿ ਕਿਹੜਾ ਮਾਂ ਦਾ ਸੂਤ ਵੇਚਿਆ ਹੈ? ਉਸ ਨੇ ਕਿਹੜਾ ਮੋੜਨੇ ਹੁੰਦੇ ਹਨ

ਇਸ ਮਾਸਟਰ ਵਿੱਚ ਵੀ ਇਹ ਸਾਰੇ ਗੁਣ ਕੁੱਟ ਕੁੱਟ ਕੇ ਭਰੇ ਪਏ ਸਨਇਕਹਰੇ ਸਰੀਰ ਦਾ ਮਾਸਟਰ ਬੇਹੱਦ ਫੁਰਤੀਲਾ ਅਤੇ ਨਿਮਰਤਾ ਦੀ ਮੂਰਤ ਸੀਉੱਪਰੋਂ ਸੋਨੇ ’ਤੇ ਸੁਹਾਗਾ ਕਿ ਉਸਦੀ ਪਤਨੀ ਵੀ ਠੱਗੀ ਵਿੱਚ ਉਸਦਾ ਪੂਰਾ ਪੂਰਾ ਸਾਥ ਦਿੰਦੀ ਸੀਮਾਸਟਰ ਦੀ ਸਭ ਤੋਂ ਵੱਡੀ ਕਲਾਕਾਰੀ ਇਹ ਸੀ ਕਿ ਉਹ ਅੱਜ ਤੱਕ ਕਦੇ ਕਿਸੇ ਕੇਸ ਵਿੱਚ ਫਸਿਆ ਨਹੀਂ ਸੀਉਹ ਬੰਦੇ ਬਾਹਰ ਭੇਜਣ ਅਤੇ ਸਰਕਾਰੀ ਨੌਕਰੀਆਂ ਦਿਵਾਉਣ ਦੇ ਬਹਾਨੇ ਲੱਖਾਂ ਦੀਆਂ ਠੱਗੀਆਂ ਮਾਰ ਚੁੱਕਾ ਸੀਉਸਦਾ ਤਰੀਕਾ ਬਹੁਤ ਹੀ ਨਾਯਾਬ ਸੀਉਸ ਨੇ ਸ਼ਹਿਰ ਵਿੱਚ ਵਧੀਆ ਦਫਤਰ ਬਣਾਇਆ ਹੋਇਆ ਸੀ ਤੇ ਖੂਬਸੂਰਤ ਮਾਡਰਨ ਸਟਾਫ’ ਰੱਖਿਆ ਹੋਇਆ ਸੀਗਾਹਕ ’ਤੇ ਪ੍ਰਭਾਵ ਪਾਉਣ ਲਈ ਉਹ ਉਸ ਨੂੰ 10-12 ਗੇੜੇ ਮਰਵਾਉਣ ਤੋਂ ਬਾਅਦ ਹੀ ਮਿਲਦਾ ਸੀਜਦੋਂ ਵੀ ਉਸ ਨੇ ਕਿਸੇ ਮੁਰਗੀ (ਗਾਹਕ) ਨੂੰ ਪਹਿਲੀ ਵਾਰ ਆਪਣੇ ਦਫਤਰ ਮਿਲਣਾ ਹੁੰਦਾ ਤਾਂ ਉਸੇ ਮੌਕੇ ਕੋਈ ਨਾ ਕੋਈ ਵਿਅਕਤੀ (ਜੋ ਉਸ ਦਾ ਆਪਣਾ ਹੀ ਕੋਈ ਕਰਿੰਦਾ ਹੁੰਦਾ ਸੀ), ਮਠਿਆਈ ਦਾ ਡੱਬਾ ਲੈ ਕੇ ਆ ਜਾਂਦਾ ਹੈ ਕਿ ਤੁਹਾਡੀ ਕ੍ਰਿਪਾ ਨਾਲ ਮੈਨੂੰ ਨੌਕਰੀ ਮਿਲ ਗਈ ਹੈ ਜਾਂ ਸਾਡਾ ਮੁੰਡਾ ਅਮਰੀਕਾ ਪਹੁੰਚ ਗਿਆ ਹੈਨਵਾਂ ਗਾਹਕ ਬਾਗੋ ਬਾਗ ਹੋ ਜਾਂਦਾ

ਸਰਕਾਰੀ ਨੌਕਰੀ ਦਿਵਾਉਣ ਦੇ ਮਾਮਲੇ ਵਿੱਚ ਠੱਗੀ ਮਾਰਨ ਲਈ ਉਹ ਪੂਰਾ ਧਿਆਨ ਰੱਖਦਾ ਕਿ ਕਿਹੜੇ ਮਹਿਕਮੇ ਦੀਆਂ ਨੌਕਰੀਆਂ ਨਿਕਲਣ ਵਾਲੀਆਂ ਹਨਉਹ 50-60 ਬੰਦਿਆਂ ਕੋਲੋਂ 5-5 ਲੱਖ ਰੁਪਇਆ ਭੋਟ ਲੈਂਦਾਇਸੇ ਤਰ੍ਹਾਂ ਅਮਰੀਕਾ ਕੈਨੇਡਾ ਪਹੁੰਚਣ ਦੇ ਚਾਹਵਾਨਾਂ ਦੀ ਫੀਸ ਉਸ ਨੇ 20-25 ਲੱਖ ਰੱਖੀ ਹੋਈ ਸੀਉਹਨਾਂ ਨੂੰ ਕਦੇ ਕਿਸੇ ਅਫਸਰ ਦੀ ਕੋਠੀ ਦੇ ਬਾਹਰ ਬਿਠਾ ਕਿ ਆਪ ਅੰਦਰ ਜਾ ਵੜਦਾ ਤੇ ਕਦੇ ਕਿਸੇ ਮੰਤਰੀ-ਲੀਡਰ ਦੇਨੌਕਰੀ ਦੇ ਇਮਤਿਹਾਨ ਵਿੱਚ 50 ਬੰਦਿਆਂ ਵਿੱਚੋਂ 10-15 ਤਾਂ ਆਪਣੇ ਬਲਬੂਤੇ ਭਰਤੀ ਹੋ ਹੀ ਜਾਂਦੇ ਹਨਉਹਨਾਂ ਦੇ ਪੈਸੇ ਉਹ ਇਹ ਕਹਿ ਕੇ ਹਜ਼ਮ ਕਰ ਲੈਂਦਾ ਕਿ ਨੌਕਰੀ ਮੈਂ ਦਿਵਾਈ ਹੈਇਸੇ ਤਰ੍ਹਾਂ ਅਮਰੀਕਾ-ਕੈਨੇਡਾ ਦੀਆਂ ਸਾਲ ਵਿਚ ਦੋ ਫਾਈਲਾਂ ਦਾ ਵੀ ਵੀਜ਼ਾ ਲੱਗ ਜਾਵੇ ਤਾਂ 50 ਲੱਖ ਮਾਸਟਰ ਦੇ ਕਾਬੂ ਆ ਜਾਂਦਾਬਾਕੀਆਂ ਦੇ ਦੁੱਧ ਨਾਲ ਧੋ ਕੇ ਮੋੜ ਦਿੰਦਾਵਿਚਾਰੇ ਭੋਲੇ ਭਾਲੇ ਲੋਕ ਖੁਸ਼ ਹੋ ਜਾਂਦੇ ਕਿ ਇਹ ਤਾਂ ਬੰਦਾ ਹੀ ਬਹੁਤ ਵਧੀਆ ਹੈ, ਜੋ ਘਰ ਆ ਕੇ ਪੈਸੇ ਮੋੜ ਕੇ ਜਾਂਦਾ ਹੈਉਹ ਪੈਸੇ ਵਾਪਸ ਲੈਣ ਦੀ ਬਜਾਏ ਕੰਮ ਕਰਨ ’ਤੇ ਜ਼ੋਰ ਦਿੰਦੇਇਹਨਾਂ ਠੱਗੀਆਂ ਦੇ ਸਿਰ ’ਤੇ ਇਸ ਮਾਸਟਰ ਨੇ ਵੱਡੀ ਜਾਇਦਾਦ ਬਣਾ ਲਈ ਸੀ ਤੇ ਲੱਖਾਂ ਰੁਪਇਆ ਵਿਆਜ਼ ’ਤੇ ਚੜ੍ਹਾਇਆ ਹੋਇਆ ਸੀ

ਹੌਲੀ ਹੌਲੀ ਉਸਦੀਆਂ ਠੱਗੀਆ ਦਾ ਰਾਜ਼ ਖੁੱਲ੍ਹਣ ਲੱਗ ਪਿਆਕੁਝ ਤਾਂ ਸਰਕਾਰੀ ਮਹਿਕਮਿਆਂ ਦੀ ਭਰਤੀ ਦਾ ਕੰਮ ਪਾਰਦਰਸ਼ੀ ਤੇ ਆਨਲਾਈਨ ਹੋ ਗਿਆ ਤੇ ਕੁਝ ਲੋਕਾਂ ਨੂੰ ਉਸਦੀਆਂ ਚੁਸਤੀਆਂ ਦੀ ਸਮਝ ਆ ਗਈਪੰਜਾਬ ਪੁਲਿਸ ਵਿੱਚ ਸਿਪਾਹੀਆਂ ਦੀ ਭਰਤੀ ਵੇਲੇ ਉਸ ਦਾ ਪਾਜ ਬਿਲਕੁਲ ਹੀ ਉੱਧੜ ਗਿਆਉਸ ਨੇ ਸਿਪਾਹੀ ਭਰਤੀ ਕਰਾਉਣ ਦੇ ਨਾਮ ’ਤੇ ਰੱਜ ਕੇ ਠੱਗੀ ਮਾਰੀਬਾਅਦ ਵਿੱਚ ਲੋਕਾਂ ਨੂੰ ਪਤਾ ਚੱਲ ਗਿਆ ਕਿ ਇਸ ਭਰਤੀ ਲਈ ਪੜ੍ਹਾਈ ਅਤੇ ਕੱਦ ਦੇ ਮੁਤਾਬਕ ਨੰਬਰ ਲੱਗੇ ਹਨ ਤੇ ਸਾਰੀ ਭਰਤੀ ਦਾ ਰਿਜ਼ਲਟ ਆਨਲਾਈਨ ਹੈਮਿਸਾਲ ਦੇ ਤੌਰ ’ਤੇ ਜਿਸ ਲੜਕੇ ਦਾ ਕੱਦ 6 ਫੁੱਟ ਹੈ ਤੇ ਐੱਮ.ਏ. ਤੱਕ ਪੜ੍ਹਿਆ ਹੈ, ਉਸ ਦੇ 20 ਨੰਬਰ ਬਣਦੇ ਹਨਉਸ ਨੇ ਤਾਂ ਹਰ ਹਾਲਤ ਵਿੱਚ ਭਰਤੀ ਹੋਣਾ ਹੀ ਹੈਇਸੇ ਤਰ੍ਹਾਂ ਜਿਵੇਂ ਜਿਵੇਂ ਕੱਦ ਤੇ ਪੜ੍ਹਾਈ ਘਟਦੀ ਜਾਂਦੀ ਹੈ, ਨੰਬਰ ਵੀ ਘਟਦੇ ਜਾਂਦੇ ਹਨਮਾੜੀ ਕਿਸਮਤ ਨੂੰ ਮਾਸਟਰ ਨੇ ਐੱਮ.ਏ. ਪੜ੍ਹੇ ਛੇ ਫੁੱਟੇ ਮੁੰਡਿਆਂ ਕੋਲੋਂ ਵੀ ਪੈਸੇ ਲੈ ਲਏਪਤਾ ਲੱਗਣ ’ਤੇ ਲੋਕਾਂ ਨੇ ਨਾਲੇ ਉਸ ਦੀ ਟਿਕਾ ਕੇ ਖੜਕਾਈ ਕੀਤੀ ਤੇ ਨਾਲੇ ਮੁਕੱਦਮੇ ਦਰਜ਼ ਕਰਵਾਏ

ਜਿਹੜਾ ਕੇਸ ਮੇਰੇ ਕੋਲ ਆਇਆ, ਉਸ ਵਿੱਚ ਮਾਸਟਰ ਨੇ ਕਿਸੇ ਨੂੰ ਅਮਰੀਕਾ ਭੇਜਣ ਦੇ ਪੈਸੇ ਲਏ ਹੋਏ ਸਨਪਰ ਉਸ ਨੇ ਅਮਰੀਕਾ ਦੀ ਬਜਾਏ ਉਸ ਨੂੰ ਯੂਰਪ ਦੇ ਪੱਛੜੇ ਦੇਸ਼ ਜਾਰਜੀਆ ਭੇਜ ਦਿੱਤਾਮੈਂ ਦੋਹਵਾਂ ਪਾਰਟੀਆਂ ਨੂੰ ਬੁਲਾਇਆ ਤਾਂ ਮਾਸਟਰ ਪੈਰਾਂ ’ਤੇ ਪਾਣੀ ਨਾ ਪੈਣ ਦੇਵੇਅਖੇ ਮੈਂ ਤਾਂ ਇਸ ਨੂੰ ਜਾਰਜੀਆ ਭੇਜਣ ਦੇ ਹੀ ਪੈਸੇ ਲਏ ਸਨ, ਸੋ ਭੇਜ ਦਿੱਤਾਮਾਸਟਰ ਨੂੰ ਫਸਿਆ ਵੇਖ ਕੇ ਉਸਦੀਆਂ ਠੱਗੀਆਂ ਦੇ ਸ਼ਿਕਾਰ ਹੋਏ ਹੋਰ ਲੋਕ ਵੀ ਦਰਖਾਸਤਾਂ ਲੈ ਕੇ ਮੇਰੇ ਦਫਤਰ ਪਹੁੰਚਣ ਲੱਗ ਪਏਮਾਸਟਰ ਸਮਝ ਗਿਆ ਕਿ ਸੌ ਸੁਨਾਰ ਦੀ ਤੇ ਇੱਕ ਲੁਹਾਰ ਦੀ, ਹੁਣ ਉਸਦਾ ਬਚਣਾ ਮੁਸ਼ਕਲ ਹੈਚੋਰ ਚੋਰ ਮਸੇਰੇ ਭਾਈ, ਇਹੋ ਜਿਹੇ ਠੱਗਾਂ-ਚੋਰਾਂ ਦੀਆਂ ਸਿਫਾਰਸ਼ਾਂ ਬਹੁਤ ਹੁੰਦੀਆਂ ਹਨਇਸ ਮਾਸਟਰ ਦੀਆਂ ਵੀ ਵੱਡੀਆਂ ਵੱਡੀਆਂ ਸਿਫਾਰਸ਼ਾਂ ਆਉਣ ਲੱਗ ਪਈਆਂਪਰ ਮੈਂ ਸਭ ਨੂੰ ਤਰੀਕੇ ਨਾਲ ਜਵਾਬ ਦਿੰਦਾ ਰਿਹਾਆਖਰ ਇੱਕ ਭੱਦਰ ਪੁਰਸ਼ ਦੀ ਸਿਫਾਰਸ਼ ਆਈ ਕਿ ਚਲੋ ਸਾਡੀ ਐਨੀ ਹੀ ਮੰਨ ਲਉ ਕਿ ਮਾਸਟਰ ਨੂੰ 15 ਦਿਨ ਦਾ ਟਾਈਮ ਦੇ ਦਿਉ

ਮੈਂ ਹੈਰਾਨ ਹੋ ਗਿਆ ਕਿ 15 ਦਿਨ ਵਿੱਚ ਇਹ ਐਨੇ ਲੋਕਾਂ ਦੇ ਪੈਸੇ ਕਿਵੇਂ ਮੋੜ ਦੇਵੇਗਾ ਜੋ ਇਸ ਨੇ ਤਿੰਨ ਸਾਲਾਂ ਵਿੱਚ ਨਹੀਂ ਮੋੜੇਮੈਂ ਮਾਸਟਰ ਨੂੰ ਬੁਲਾ ਕੇ ਪੁੱਛਿਆ ਕਿ ਕੀ ਉਹ 15 ਦਿਨਾਂ ਵਿੱਚ ਪੈਸੇ ਮੋੜ ਦੇਵੇਗਾ? ਮਾਸਟਰ ਅੱਗੋਂ ਪੂਰੀ ਬੇਸ਼ਰਮੀ ਨਾਲ ਬੋਲਿਆ, “ਸਰ ਪੈਸੇ ਤਾਂ ਮੇਰੇ ਕੋਲ ਨਹੀਂ ਹੈਗੇ ਤੇ ਨਾ ਮੈਂ ਮੋੜਾਂਅਸਲ ਵਿੱਚ ਗੱਲ ਇਹ ਹੈ ਕਿ ਹਰਿਆਣੇ ਵਿੱਚ ਪਟਵਾਰੀਆਂ ਦੀ ਭਰਤੀ ਦੋ ਦਿਨਾਂ ਬਾਅਦ ਨਿਕਲਣ ਵਾਲੀ ਹੈਮੈਨੂੰ ਇਹ ਸੀਜ਼ਨ ਲਗਾ ਲੈਣ ਦਿਉਜੇ ਤੁਸੀਂ ਪਰਚਾ ਦੇ ਦਿੱਤਾ ਤਾਂ ਹੋ ਸਕਦਾ ਹੈ ਕਿ ਮੇਰੀ ਸਾਲ-ਦੋ ਸਾਲ ਜ਼ਮਾਨਤ ਨਾ ਹੋਵੇਮੇਰੀਆਂ ਸਾਰੀਆਂ ‘ਸਾਮੀਆਂ’ ਮਾਰੀਆਂ ਜਾਣੀਆਂ ਹਨਮੈਨੂੰ ਉੱਥੇ ਠੱਗੀ ਮਾਰ ਲੈਣ ਦਿਉ, ਫਿਰ ਭਾਵੇਂ ਚਾਰ ਸਾਲ ਲਈ ਜੇਲ੍ਹ ਭੇਜ ਦੇਣਾ

ਮਾਸਟਰ ਦੀ ਇਹ ਗੱਲ ਸੁਣ ਕੇ ਮੈਨੂੰ ਸਮਝ ਨਾ ਆਵੇ, ਮੈਂ ਹੱਸਾਂ ਕਿ ਰੋਵਾਂ? ਪਹਿਲਾ ਕੇਸ ਅਜੇ ਮੁੱਕਾ ਨਹੀਂ ਤੇ ਇਹ ਮਹਾਂਪੁਰਖ ਨਵੇਂ ਦੀ ਵੀ ਸਕੀਮ ਲਗਾਈ ਬੈਠਾ ਹੈਪਰ ਮਾਸਟਰ ਨਵੀਂ ਠੱਗੀ ਦੀ ਆਸ ਦਿਲ ਵਿੱਚ ਹੀ ਦਬਾਈ ਜੇਲ੍ਹ ਪਹੁੰਚ ਗਿਆ

*****

(1183)

About the Author

ਬਲਰਾਜ ਸਿੰਘ ਸਿੱਧੂ ਏ.ਆਈ.ਜੀ.

ਬਲਰਾਜ ਸਿੰਘ ਸਿੱਧੂ ਏ.ਆਈ.ਜੀ.

Balraj Singh Sidhu (A.I.G. Retired)
Phone: (91 - 95011 - 00062)
Email: (bssidhupps@gmail.com)

More articles from this author