BalrajSidhu7ਇਹਨਾਂ ਹਥਿਆਰਾਂ ਦਾ ਮਕਸਦ ਪੰਜਾਬ ਅਤੇ ਕਸ਼ਮੀਰ ਵਿੱਚ ਅੱਤਵਾਦ ਨੂੰ ਦੁਬਾਰਾ ...
(10 ਅਕਤੂਬਰ 2019)

 

ਭਾਰਤੀ ਸੁਰੱਖਿਆ ਦਸਤੇ ਉਦੋਂ ਹੈਰਾਨ ਪਰੇਸ਼ਾਨ ਰਹਿ ਗਏ ਜਦੋਂ ਪਾਕਿਸਤਾਨੀ ਖੁਫੀਆ ਏਜੰਸੀ ਆਈ.ਐੱਸ.ਆਈ. ਅਤੇ ਪਾਕਿਸਤਾਨ ਵਿੱਚ ਬੈਠੇ ਖਾਲਿਸਤਾਨੀ ਅੱਤਵਾਦੀਆਂ ਨੇ ਚੀਨੀ ਡਰੋਨਾਂ ਦੀ ਮਦਦ ਨਾਲ ਤਰਨ ਤਾਰਨ ਜ਼ਿਲ੍ਹੇ ਦੇ ਬਾਰਡਰ ਏਰੀਆ ਵਿੱਚ 5 ਏ.ਕੇ. 47 ਰਾਈਫਲਾਂ, ਚਾਰ ਪਿਸਤੌਲ 30 ਬੋਰ, ਏ.ਕੇ. 47 ਦੇ 24 ਮੈਗਜ਼ੀਨ, 544 ਗੋਲੀਆਂ, 9 ਹੈਂਡ ਗਰਨੇਡ, 5 ਸੈਟੇਲਾਈਟ ਫੋਨ, ਦੋ ਅਤਿ ਆਧੁਨਿਕ ਵਾਇਰਲੈੱਸ ਸੈੱਟ ਅਤੇ ਦਸ ਲੱਖ ਰੁਪਏ ਦੀ ਜਾਅਲ਼ੀ ਭਾਰਤੀ ਕਰੰਸੀ ਸੁੱਟੀਇਹ ਡਰੋਨ ਇੱਕ ਵਾਰ ਵਿੱਚ 10 ਕਿੱਲੋ ਤੱਕ ਭਾਰ ਲਿਜਾਣ ਦੇ ਸਮਰੱਥ ਦੱਸੇ ਜਾਂਦੇ ਹਨ ਤੇ ਇੱਕ ਏ.ਕੇ. 47 ਦਾ ਭਾਰ ਮੈਗਜ਼ੀਨ ਤੋਂ ਬਗੈਰ ਸਾਢੇ ਤਿੰਨ ਕਿੱਲੋ ਹੁੰਦਾ ਹੈਇਹਨਾਂ ਡਰੋਨਾਂ ਨੇ ਭਾਰਤੀ ਖੁਫੀਆ ਏਜੰਸੀਆਂ, ਰਾਡਾਰਾਂ ਅਤੇ ਬੀ.ਐੱਸ.ਐੱਫ. ਦੀਆਂ ਅੱਖਾਂ ਵਿੱਚ ਘੱਟਾ ਪਾ ਕੇ ਅੱਠ ਦਿਨ ਵਿੱਚ ਦਸ ਉਡਾਣਾਂ ਬਾਰਡਰ ਦੇ ਆਰ ਪਾਰ ਭਰੀਆਂਇਹਨਾਂ ਹਥਿਆਰਾਂ ਦਾ ਮਕਸਦ ਪੰਜਾਬ ਅਤੇ ਕਸ਼ਮੀਰ ਵਿੱਚ ਅੱਤਵਾਦ ਨੂੰ ਦੁਬਾਰਾ ਸੁਰਜੀਤ ਕਰਨਾ ਸੀਇਹ ਖਤਰਨਾਕ ਸਾਜਸ਼ ਉਦੋਂ ਸਾਹਮਣੇ ਆਈ ਜਦੋਂ 22 ਸਤੰਬਰ ਨੂੰ ਪੰਜਾਬ ਪੁਲਿਸ ਨੇ ਖਾਲਿਸਤਾਨ ਜ਼ਿੰਦਾਬਾਦ ਫੋਰਸ ਦੇ ਅੱਧੀ ਦਰਜ਼ਨ ਦੇ ਕਰੀਬ ਅੱਤਵਾਦੀਆਂ ਨੂੰ ਗ੍ਰਿਫਤਾਰ ਕਰਨ ਤੋਂ ਬਾਅਦ ਹਥਿਆਰ ਅਤੇ ਗੋਲੀ ਸਿੱਕੇ ਦੇ ਨਾਲ ਨਾਲ ਦੋ ਡਰੋਨ ਵੀ ਬਰਾਮਦ ਕਰ ਲਏਇਸ ਕਾਂਡ ਕਾਰਨ ਚੌਕਸ ਹੋਈ ਪੰਜਾਬ ਸਰਕਾਰ ਨੇ ਕੇਂਦਰ ਨੂੰ ਖਬਰਦਾਰ ਕਰਨ ਅਤੇ ਸਖਤ ਕਦਮ ਚੁੱਕਣ ਲਈ ਪੱਤਰ ਲਿਖਿਆ ਹੈ

ਬਿਨਾਂ ਪਾਇਲਟ ਤੋਂ ਰਿਮੋਟ ਕੰਟਰੋਲ ਨਾਲ ਉੱਡਣ ਵਾਲਾ ਡਰੋਨ ਇੱਕ ਦੋ ਧਾਰੀ ਤਲਵਾਰ ਹੈਇਹ ਤੇਜ਼ੀ ਨਾਲ ਵਿਕਸਤ ਹੋ ਰਹੀ ਤਕਨੀਕ ਹੈ ਜਿਸਦੇ ਸੁਰੱਖਿਆ, ਉਦਯੋਗ, ਖੇਤੀਬਾੜੀ ਅਤੇ ਹੋਰ ਸੈਂਕੜੇ ਖੇਤਰਾਂ ਵਿੱਚ ਅਣਗਿਣਤ ਫਾਇਦੇ ਹਨਪਰ ਹੁਣ ਸਮਾਜ ਵਿਰੋਧੀ ਅਨਸਰਾਂ ਦੇ ਹੱਥਾਂ ਵਿੱਚ ਆ ਜਾਣ ਕਾਰਨ ਇਹ ਕਈ ਦੇਸ਼ਾਂ ਦੀ ਸੁਰੱਖਿਆ ਲਈ ਹੀ ਗੰਭੀਰ ਖਤਰਾ ਸਾਬਤ ਹੋ ਰਿਹਾ ਹੈਡਰੋਨਾਂ ਦੀ ਸ਼ੁਰੂਆਤੀ ਵਰਤੋਂ ਦੂਸਰੇ ਦੇਸ਼ ਦੀ ਜਸੂਸੀ ਕਰਨ ਲਈ ਕੀਤੀ ਜਾਂਦੀ ਸੀਪਰ ਇਹਨਾਂ ਦੇ ਨਿਰਮਾਣ ਉੱਤੇ ਕੋਈ ਪਾਬੰਦੀ ਨਾ ਹੋਣ ਕਾਰਨ ਹੁਣ ਅਨੇਕਾਂ ਦੇਸ਼ ਇਸ ਨੂੰ ਧੜਾਧੜ ਬਣਾ ਰਹੇ ਹਨਅਮਰੀਕਾ ਦੇ ਪਰੀਡੇਟਰ ਅਤੇ ਰੈਪਟਰ ਵਰਗੇ ਕਰੋੜਾਂ ਡਾਲਰ ਦੇ ਵਿਸ਼ਾਲਕਾਈ ਮਿਲਟਰੀ ਡਰੋਨਾਂ ਦੇ ਨਾਲ ਨਾਲ ਕੁਝ ਹਜ਼ਾਰਾਂ ਰੁਪਏ ਵਿੱਚ ਵਿਕਣ ਵਾਲੇ ਚੀਨ ਦੇ ਬਣੇ ਡਰੋਨ ਘਰ ਘਰ ਪਹੁੰਚ ਗਏ ਹਨਬੱਚਿਆਂ ਦੇ ਖਿਡੌਣਿਆਂ ਦੇ ਰੂਪ ਵਿੱਚ ਵੇਚੇ ਜਾ ਰਹੇ ਡਰੋਨ ਹਰ ਮੱਧਵਰਗੀ ਦੀ ਪਹੁੰਚ ਵਿੱਚ ਹਨਪਿਛਲੇ ਸਾਲ ਖਿਡੌਣਾ ਡਰੋਨਾਂ ਵੱਲੋਂ ਵਿਘਨ ਪਾਉਣ ਕਾਰਨ ਇੰਗਲੈਂਡ ਦਾ ਹੀਥਰੋ ਹਵਾਈ ਅੱਡਾ ਕਈ ਘੰਟੇ ਲਈ ਬੰਦ ਕਰਨਾ ਪਿਆ ਸੀਡਰੋਨਾਂ ਦੀ ਤਕਨੀਕ ਵਿੱਚ ਦਿਨੋਂ ਦਿਨ ਸੁਧਾਰ ਹੋ ਰਿਹਾ ਹੈਕਈ ਕਈ ਘੰਟੇ ਦੀ ਉਡਾਣ ਸਮਰੱਥਾ, ਸੈਂਕੜੇ ਕਿ.ਮੀ. ਦੀ ਰੇਂਜ, ਜੀ.ਪੀ.ਐੱਸ. ਅਤੇ ਕੈਮਰਾ ਤਾਂ ਆਮ ਜਿਹੀ ਗੱਲ ਹੋ ਗਈ ਹੈਆਪਣੀ ਪਲਾਸਟਿਕ ਬਾਡੀ, ਹਾਈ ਪਾਵਰ ਬੈਟਰੀਆਂ ਅਤੇ ਛੋਟੇ ਅਕਾਰ ਕਾਰਨ ਰਵਾਇਤੀ ਰਾਡਾਰਾਂ ਵਾਸਤੇ ਇਹਨਾਂ ਦੀ ਟੋਹ ਲਗਾਉਣੀ ਲਗਭਗ ਨਾਮੁਮਕਿਨ ਹੈਮਾਡਰਨ ਰਾਡਾਰ ਪੰਛੀਆਂ ਆਦਿ ਵਰਗੀਆਂ ਹਾਨੀ ਰਹਿਤ ਵਸਤਾਂ ਦੀ ਟੋਹ ਲਗਾਉਣ ਲਈ ਡਿਜ਼ਾਈਨ ਨਹੀਂ ਕੀਤੇ ਜਾਂਦੇਛੋਟੇ ਸਾਈਜ਼ ਦੇ ਹੋਣ ਕਾਰਨ ਡਰੋਨ ਰਾਡਾਰ ਉੱਤੇ ਪੰਛੀਆਂ ਵਾਂਗ ਦਿਖਾਈ ਦਿੰਦੇ ਹਨ ਤੇ ਕੋਈ ਇਹਨਾਂ ਵੱਲ ਬਹੁਤਾ ਧਿਆਨ ਨਹੀਂ ਦਿੰਦਾਮੈਕਸੀਕਨ ਸਮਗਲਰ ਡਰੋਨਾਂ ਦੀ ਮਦਦ ਨਾਲ ਅਮਰੀਕੀ ਸਰਹੱਦ ਅੰਦਰ ਧੜੱਲੇ ਨਾਲ ਡਰੱਗਜ਼ ਸਪਲਾਈ ਕਰ ਰਹੇ ਹਨਬਦਨਾਮ ਇਰਾਕੀ ਅੱਤਵਾਦੀ ਜਥੇਬੰਦੀ ਆਈ.ਐੱਸ.ਆਈ.ਐੱਸ. ਇਸਦਾ ਇਸਤੇਮਾਲ ਇਰਾਕੀ-ਸੀਰੀਆਈ ਫੌਜਾਂ ਉੱਪਰ ਬੰਬ ਸੁੱਟਣ ਵਾਸਤੇ ਕਰਦੀ ਸੀਭਾਰਤ ਵਿੱਚ ਕਈ ਬਦਮਾਸ਼ ਇਸਦੀ ਵਰਤੋਂ ਜੇਲ੍ਹਾਂ ਵਿੱਚ ਨਸ਼ੀਲੇ ਪਦਾਰਥ ਪਹੁੰਚਾਉਣ ਲਈ ਕਰ ਰਹੇ ਹਨ

ਇਸ ਵੇਲੇ ਸੁਰੱਖਿਆਂ ਏਜੰਸੀਆਂ ਦੀ ਨੀਂਦ ਇਸ ਮਸਲੇ ਨੇ ਸਭ ਤੋਂ ਵੱਧ ਉਡਾਈ ਹੋਈ ਹੈ ਕਿ ਕਿਤੇ ਅੱਤਵਾਦੀ ਡਰੋਨਾਂ ਨੂੰ ਵੀ.ਆਈ.ਪੀ. ਜਾਂ ਫੌਜੀ ਟਿਕਾਣਿਆਂ ਉੱਤੇ ਹਮਲੇ ਕਰਨ ਲਈ ਨਾ ਵਰਤਣ ਲੱਗ ਪੈਣਆਮ ਦੁਕਾਨਾਂ ਤੋਂ ਮਿਲਣ ਵਾਲੇ ਡਰੋਨਾਂ ਵਿੱਚ ਥੋੜ੍ਹਾ ਬਹੁਤ ਬਦਲਾਅ ਕਰ ਕੇ ਅਰਾਮ ਨਾਲ ਇਹ ਕੰਮ ਸਿਰੇ ਚੜ੍ਹਾਇਆ ਜਾ ਸਕਦਾ ਹੈਜੇ ਡਰੋਨ ਸਾਢੇ ਤਿੰਨ ਕਿੱਲੋ ਦੀ ਅਸਾਲਟ ਚੁੱਕ ਕੇ ਬਾਰਡਰ ਪਾਰ ਕਰ ਸਕਦਾ ਹੈ ਤਾਂ ਉਹ ਬਾਰੂਦ ਵੀ ਲਿਜਾ ਸਕਦਾ ਹੈ

ਹਿੰਦ-ਪਾਕਿ ਬਾਰਡਰ ਦੁਨੀਆਂ ਦੀ ਸਭ ਤੋਂ ਖਤਰਨਾਕ ਅੰਤਰਰਾਸ਼ਟਰੀ ਸਰਹੱਦ ਹੈਭਾਰਤ ਸਿਰ ਤੋੜ ਕੋਸ਼ਿਸ਼ਾਂ ਕਰਨ ਦੇ ਬਾਵਜੂਦ ਅਜੇ ਤੱਕ ਪਾਕਿਸਤਾਨ ਤੋਂ ਆਉਣ ਵਾਲੇ ਖੂੰਖਾਰ ਅੱਤਵਾਦੀਆਂ, ਹਥਿਆਰਾਂ, ਨਸ਼ਿਆਂ ਅਤੇ ਜਾਅਲੀ ਕਰੰਸੀ ਨੂੰ ਨੱਥ ਨਹੀਂ ਪਾ ਸਕਿਆ, ਉੱਪਰੋਂ ਇਹ ਨਵੀਂ ਮੁਸੀਬਤ ਗਲੇ ਆ ਪਈ ਹੈਪੰਜਾਬ ਦੇ ਪੱਧਰੇ ਇਲਾਕੇ ਦੀ ਗੱਲ ਹੋਰ ਹੈ, ਪਰ ਕਸ਼ਮੀਰ ਵਰਗੇ ਜੰਗਲੀ-ਪਹਾੜੀ ਜਾਂ ਰਾਜਸਥਾਨ-ਗੁਜਰਾਤ ਦੇ ਮਾਰੂਥਲਾਂ ਵਿੱਚ ਡਰੋਨ ਲੱਭਣੇ ਹੋਰ ਵੀ ਮੁਸ਼ਕਲ ਹਨਇਸ ਆਫਤ ਨੇ ਤਾਂ ਭਾਰਤ-ਪਾਕਿਸਤਾਨ ਬਾਰਡਰ ਉੱਤੇ ਲੱਗੀ ਕੰਢਿਆਲੀ ਤਾਰ ਨੂੰ ਵੀ ਬੇਅਰਥ ਕਰ ਕੇ ਰੱਖ ਦਿੱਤਾ ਹੈ14 ਸਤੰਬਰ 2019 ਨੂੰ ਯਮਨ ਦੇ ਹਾਊਥੀ ਬਾਗੀਆਂ ਨੇ ਸਾਊਦੀ ਅਰਬ ਦੀ ਸਭ ਤੋਂ ਵੱਡੀ ਰਿਫਾਇਨਰੀ (ਆਰੈਮਕੋ, ਅਬਾਇਕ ਸ਼ਹਿਰ) ਨੂੰ ਡਰੋਨਾਂ ਰਾਹੀਂ ਮਿਜ਼ਾਈਲਾਂ ਦਾਗ ਕੇ ਸਖਤ ਨੁਕਸਾਨ ਪਹੁੰਚਾਇਆ ਜਿਸ ਕਾਰਨ ਸਾਊਦੀ ਅਰਬ ਨੂੰ ਅਰਬਾਂ ਡਾਲਰਾਂ ਦਾ ਨੁਕਸਾਨ ਝੱਲਣਾ ਪਿਆ ਹੈਅਬਾਇਕ, ਯਮਨ ਦੀ ਸਰਹੱਦ ਤੋਂ ਕੋਈ 1000 ਕਿ.ਮੀ. ਦੂਰ ਹੈਜੇ ਯਮਨ ਵਰਗੇ ਗਰੀਬ ਦੇਸ਼ ਦੇ ਬਾਗੀਆਂ ਕੋਲ ਇੰਨੀ ਲੰਬੀ ਦੂਰੀ ਤੱਕ ਮਾਰ ਕਰਨ ਵਾਲੇ ਡਰੋਨ ਆ ਸਕਦੇ ਹਨ ਤਾਂ ਪਾਕਿਸਤਾਨ ਤਾਂ ਫਿਰ ਕਾਫੀ ਵਿਕਸਿਤ ਦੇਸ਼ ਹੈ, ਉਸ ਨੂੰ ਤਾਂ ਕਸ਼ਮੀਰ ਵਿੱਚ ਹਮਲੇ ਕਰਨ ਲਈ ਅੱਤਵਾਦੀ ਬਾਰਡਰ ਪਾਰ ਭੇਜਣ ਦੀ ਜ਼ਰੂਰਤ ਹੀ ਨਹੀਂ ਪੈਣੀ

ਡਰੋਨਾਂ ਦੀ ਸਭ ਤੋਂ ਪਹਿਲਾਂ ਖੋਜ 1916 ਈਸਵੀ ਵਿੱਚ ਇੰਗਲੈਂਡ ਦੇ ਵਿਗਿਆਨੀ ਆਰਕੀਬਾਲਡ ਮੌਂਟਗੋਮਰੀ ਲੋਅ ਨੇ ਕੀਤੀ ਸੀਪਹਿਲੇ, ਦੂਸਰੇ ਵਿਸ਼ਵ ਯੁੱਧ ਅਤੇ ਸ਼ੀਤ ਯੁੱਧ ਦੌਰਾਨ ਜਸੂਸੀ ਅਤੇ ਦੁਸ਼ਮਣ ਦੇ ਮੋਰਚਿਆਂ ਦੀ ਟੋਹ ਲੈਣ ਲਈ ਇਹਨਾਂ ਦੀ ਖੁੱਲ੍ਹ ਕੇ ਵਰਤੋਂ ਕੀਤੀ ਗਈਹੌਲੀ ਹੌਲੀ ਡਰੋਨਾਂ ਦੇ ਡਿਜ਼ਾਈਨ ਵਿਕਸਿਤ ਹੁੰਦੇ ਗਏਹੁਣ ਕੁਝ ਗਰਾਮਾਂ ਦੇ ਖਿਡੌਣਿਆਂ ਤੋਂ ਲੈ ਕੇ ਹਜ਼ਾਰਾਂ ਕਿੱਲੋ ਦੇ ਮਿਲਟਰੀ ਡਰੋਨ ਉਪਲਬਧ ਹਨਸੰਸਾਰ ਦੇ ਸਭ ਤੋਂ ਵੱਧ ਆਧੁਨਿਕ ਤੇ ਮਿਜ਼ਾਈਲਾਂ ਨਾਲ ਲੈਸ ਮਿਲਟਰੀ ਡਰੋਨ ਅਮਰੀਕਾ, ਇਜ਼ਰਾਈਲ, ਇੰਗਲੈਂਡ, ਰੂਸ ਅਤੇ ਚੀਨ ਕੋਲ ਹਨਅਮਰੀਕਾ ਨੇ ਵੀਅਤਨਾਮ, ਅਫਗਾਨਿਸਤਾਨ, ਸੀਰੀਆ, ਇਰਾਕ ਅਤੇ ਪਾਕਿਸਤਾਨ ਦੇ ਕਬਾਇਲੀ ਇਲਾਕਿਆਂ ਵਿੱਚ ਅੱਤਵਾਦੀਆਂ ਦੇ ਅੱਡੇ ਤਬਾਹ ਕਰਨ ਲਈ ਡਰੋਨਾਂ ਦੀ ਖੁੱਲ੍ਹ ਕੇ ਵਰਤੋਂ ਕੀਤੀ ਹੈਮਿਲਟਰੀ ਡਰੋਨ ਲਗਭਗ ਬੇਅਵਾਜ਼ ਹੁੰਦਾ ਹੈ ਤੇ 450 ਕਿ.ਮੀ. ਘੰਟਾ ਤੱਕ ਦੀ ਸਪੀਡ ਨਾਲ ਇੰਨੀ ਉਚਾਈ ਉੱਤੇ (30000 ਫੁੱਟ) ਉੱਡਦਾ ਹੈ ਕਿ ਦਿਖਾਈ ਨਹੀਂ ਦਿੰਦਾਇਸਦਾ ਉਡਾਣ ਸਮਾਂ 14 ਘੰਟੇ ਤੇ ਰੇਂਜ 2000 ਕਿ.ਮੀ ਤੋਂ ਵੀ ਵੱਧ ਹੋ ਸਕਦੀ ਹੈਪਾਕਿਸਤਾਨੀ, ਅਫਗਾਨੀ ਅਤੇ ਅਰਬ ਅੱਤਵਾਦੀਆਂ ਦੇ ਮਨਾਂ ਵਿੱਚ ਹਰ ਵੇਲੇ ਧੁੜਕੂ ਲੱਗਾ ਰਹਿੰਦਾ ਹੈ ਕਿ ਪਤਾ ਨਹੀਂ ਕਿਹੜੇ ਵੇਲੇ ਨੀਲੇ ਅਸਮਾਨ ਤੋਂ ਮਿਜ਼ਾਈਲ ਸਿਰ ਵਿੱਚ ਆਣ ਵੱਜਣੀ ਹੈਅਮਰੀਕੀ ਫੌਜ ਕੋਲ ਇਸ ਵੇਲੇ ਛੋਟੇ ਵੱਡੇ ਮਿਲਾ ਕੇ 10000 ਤੋਂ ਵੱਧ ਡਰੋਨ ਹਨ

ਪਰ ਇਸ ਮੌਕੇ ਮਿਲਟਰੀ ਡਰੋਨਾਂ ਨਾਲੋਂ ਜ਼ਿਆਦਾ ਖਤਰਾ ਭਾਰਤ ਨੂੰ ਸਿਵਲ ਡਰੋਨਾਂ ਤੋਂ ਹੈਇਸ ਵੇਲੇ ਚੀਨ ਦਾ ਸੰਸਾਰ ਦੀ 75% ਸਿਵਲ ਡਰੋਨ ਮਾਰਕੀਟ ਉੱਤੇ ਕਬਜ਼ਾ ਹੈਬਜ਼ਾਰ ਵਿੱਚੋਂ ਅਸਾਨੀ ਨਾਲ ਹਰੇਕ ਸਾਈਜ਼ ਤੇ ਪਾਵਰ ਦੇ ਡਰੋਨ ਕਾਨੂੰਨੀ ਤਰੀਕੇ ਨਾਲ ਪ੍ਰਾਪਤ ਕੀਤੇ ਜਾ ਸਕਦੇ ਹਨਇਹਨਾਂ ਵਿੱਚ ਥੋੜ੍ਹਾ ਜਿਹਾ ਫੇਰ ਬਦਲ ਕਰ ਕੇ ਕਿਸੇ ਵੀ ਕਾਨੂੰਨੀ, ਗੈਰ ਕਾਨੂੰਨੀ ਗਤੀਵਿਧੀ ਲਈ ਵਰਤਿਆ ਜਾ ਸਕਦਾ ਹੈਇੱਕ ਸਧਾਰਨ ਡਰੋਨ 15-20 ਕਿੱਲੋ ਵਜ਼ਨ ਅਸਾਨੀ ਨਾਲ ਲਿਜਾ ਸਕਦਾ ਹੈਵੀ.ਆਈ.ਪੀ. ਦੀ ਸੁਰੱਖਿਆ ਵਾਸਤੇ ਸਭ ਤੋਂ ਵੱਡਾ ਖਤਰਾ ਇਹੀ ਹਨਹੁਣ ਤੱਕ ਤਾਂ ਸੁਰੱਖਿਆ ਦਸਤਿਆਂ ਨੂੰ ਵੀ.ਆਈ.ਪੀ. ਦੇ ਆਲੇ ਦੁਆਲੇ ਅਤੇ ਐਂਟਰੀ ਗੇਟਾਂ ਉੱਤੇ ਹੀ ਨਿਗ੍ਹਾ ਰੱਖਣੀ ਪੈਂਦੀ ਸੀ, ਪਰ ਹੁਣ ਅਸਮਾਨ ਵੱਲ ਵੀ ਧਿਆਨ ਰੱਖਣਾ ਪਵੇਗਾਪਰ ਸਭ ਤੋਂ ਵੱਡੀ ਮੁਸ਼ਕਲ ਇਹ ਹੈ ਕਿ ਜਿਹੜਾ ਡਰੋਨ ਰਾਡਾਰ ਦੀ ਪਕੜ ਵਿੱਚ ਨਹੀਂ ਆਉਂਦਾ, ਉਸ ਦੀ ਨਕਲੋ ਹਰਕਤ ਬਾਰੇ ਨੰਗੀ ਅੱਖ ਨਾਲ ਕਿਵੇਂ ਪਤਾ ਚੱਲ ਸਕੇਗਾ ਤੇ ਜੇ ਉਹ ਦਿਸ ਵੀ ਪਿਆ ਤਾਂ 50-60 ਕਿ.ਮੀ. ਦੀ ਸਪੀਡ ਨਾਲ ਆ ਰਹੇ ਡਰੋਨ ਨੂੰ ਤਬਾਹ ਕਿਵੇਂ ਕੀਤਾ ਜਾਵੇ? ਜ਼ਰੂਰੀ ਹੈ ਕਿ ਇਸ ਕੰਮ ਲਈ ਖਾਸ ਕਿਸਮ ਦੇ ਰਾਡਾਰ ਅਤੇ ਕਾਰਗਰ ਹਥਿਆਰ ਵਿਕਸਤ ਕੀਤੇ ਜਾਣ ਜੋ ਡਰੋਨ ਦਾ ਦੂਰ ਤੋਂ ਹੀ ਪਤਾ ਲਗਾ ਕੇ ਤਬਾਹ ਕਰ ਦੇਣਪਾਕਿਸਤਾਨ ਦੀਆਂ ਇਹਨਾਂ ਨੀਚ ਹਰਕਤਾਂ ਕਾਰਨ ਭਾਰਤ ਦੇ ਬਾਰਡਰ ਨਾਲ ਲੱਗਦੇ ਹਵਾਈ ਅੱਡਿਆਂ, ਛਾਉਣੀਆਂ ਤੇ ਹੋਰ ਨਾਜ਼ਕ ਤੇ ਅਹਿਮ ਸਥਾਨਾਂ ਦੀ ਸੁਰੱਖਿਆ ਭਾਰੀ ਖਤਰੇ ਵਿੱਚ ਪੈ ਗਈ ਹੈ

ਭਾਰਤ ਨੂੰ ਇਸਦਾ ਮੁਕਾਬਲਾ ਕਰਨ ਲਈ ਸਮਾਂ ਰਹਿੰਦੇ ਸਖਤ ਕਦਮ ਉਠਾਉਣੇ ਪੈਣਗੇਇਹ ਬਹੁਤ ਹੀ ਜ਼ਰੂਰੀ ਹੈ ਕਿ ਖਾਸ ਹਾਈ ਸਕਿਉਰਟੀ ਸਥਾਨਾਂ ਨੂੰ ਨੋ ਡਰੋਨ ਫਲਾਇੰਗ ਜ਼ੋਨ ਘੋਸ਼ਿਤ ਕੀਤਾ ਜਾਵੇ ਤੇ ਬਾਰਡਰ ਦੇ ਨਾਲ ਨਾਲ ਰਿਮੋਟ ਸਿਗਨਲ ਜਾਮ ਕਰਨ ਵਾਲੇ ਯੰਤਰ ਲਗਾਏ ਜਾਣਸਾਰੇ ਸਿਵਲੀਅਨ ਡਰੋਨ ਲਾਇਸੰਸੀ ਹਥਿਆਰਾਂ ਦੀ ਤਰ੍ਹਾਂ ਪੁਲਿਸ ਥਾਣਿਆਂ ਵਿੱਚ ਦਰਜ ਕਰਵਾਏ ਜਾਣ ਤੇ ਉਡਾਣ ਲਈ ਅਗਾਊਂ ਇਜਾਜ਼ਤ ਲੈਣੀ ਪਵੇਵਿਆਹਾਂ ਸ਼ਾਦੀਆਂ ਵਿੱਚ ਤਾਂ ਫੋਟੋਗਰਾਫਰ ਹੀ ਵੀਡੀਓ ਬਣਾਉਣ ਲਈ ਡਰੋਨ ਉਡਾਈ ਫਿਰਦੇ ਹਨਪਿਛਲੀ ਸਰਕਾਰ ਦਾ ਇੱਕ ਸੀਨੀਅਰ ਮੰਤਰੀ ਵਿਆਹ ਸਮਾਗਮ ਵਿੱਚ ਇੱਕ ਡਰੋਨ ਹਾਦਸੇ ਤੋਂ ਬਹੁਤ ਮੁਸ਼ਕਲ ਨਾਲ ਬਚਿਆ ਸੀਗੈਰ ਤਜ਼ਰਬਾਕਾਰ ਫੋਟੋਗਰਾਫਰ ਵੱਲੋਂ ਉਡਾਇਆ ਜਾ ਰਿਹਾ ਡਰੋਨ ਉਸ ਦੀ ਕੁਰਸੀ ਦੇ ਬਿਲਕੁਲ ਨਜ਼ਦੀਕ ਡਿੱਗਾ ਸੀਸਿਆਣੇ ਕਹਿੰਦੇ ਹਨ ਕਿ ਇਲਾਜ ਨਾਲੋਂ ਪ੍ਰਹੇਜ਼ ਚੰਗਾ ਹੁੰਦਾ ਹੈਇਸ ਲਈ ਇਸ ਭਵਿੱਖੀ ਆਫਤ ਤੋਂ ਬਚਣ ਲਈ ਪਹਿਲਾਂ ਹੀ ਪ੍ਰਬੰਧ ਕਰ ਲੈਣੇ ਚਾਹੀਦੇ ਹਨ

*****

ਨੋਟ: ਹਰ ਲੇਖਕ ‘ਸਰੋਕਾਰ’ ਨੂੰ ਭੇਜੀ ਗਈ ਰਚਨਾ ਦੀ ਕਾਪੀ ਆਪਣੇ ਕੋਲ ਸੰਭਾਲਕੇ ਰੱਖੇ।)

(1765)

(ਸਰੋਕਾਰ ਨਾਲ ਸੰਪਰਕ ਲਈ: This email address is being protected from spambots. You need JavaScript enabled to view it.om)

About the Author

ਬਲਰਾਜ ਸਿੰਘ ਸਿੱਧੂ ਏ.ਆਈ.ਜੀ.

ਬਲਰਾਜ ਸਿੰਘ ਸਿੱਧੂ ਏ.ਆਈ.ਜੀ.

Balraj Singh Sidhu (A.I.G. Retired)
Phone: (91 - 95011 - 00062)
Email: (bssidhupps@gmail.com)

More articles from this author