NavdeepBhatia7ਕੁੜੀਆਂ ਅਤੇ ਮੁੰਡੇ ਬੇਝਿਜਕ ਹੋ ਕੇ ਇਸ ਤਰ੍ਹਾਂ ਅਮਨਦੀਪ ਸਿੰਘ ਨਾਲ ਗੱਲ ਸਾਂਝੀ ...
(13 ਮਾਰਚ 2021)
(ਸ਼ਬਦ: 930)


ਮੈਂਨੂੰ ਸਰਕਾਰੀ ਨੌਕਰੀ ਕਰਦਿਆਂ ਪੱਚੀ ਸਾਲ ਹੋ ਗਏ ਹਨ
, ਦਸ ਤੋਂ ਵੱਧ ਸਕੂਲਾਂ ਵਿੱਚ ਪੜ੍ਹਾਉਣ ਦਾ ਮੌਕਾ ਮਿਲਿਆਚਾਰ ਜ਼ਿਲ੍ਹਿਆਂ ਵਿੱਚ ਮੈਂ ਨੌਕਰੀ ਕਰ ਚੁੱਕਾ ਹਾਂਹਰ ਵਿਸ਼ੇ ਦੇ ਅਧਿਆਪਕਾਂ ਨਾਲ ਮੇਰਾ ਵਾਹ ਵਾਸਤਾ ਰਿਹਾ ਹੈਬੜੇ ਮਿੱਠੇ-ਕੌੜੇ ਤਜਰਬੇ ਹਾਸਲ ਹੋਏ ਹਨਚੰਗੇ ਅਤੇ ਮਾੜੇ ਤਜਰਬਿਆਂ ਤੋਂ ਮੈਂ ਬਹੁਤ ਕੁਝ ਸਿੱਖਿਆ ਹੈ। ਇੱਕ ਵਿਸ਼ੇ ਦੇ ਅਧਿਅਪਕ ਬਾਰੇ ਮੇਰੀ ਸੋਚ ਪਿਛਲੇ ਦੋ ਕੁ ਸਾਲਾਂ ਤੋਂ ਬਦਲ ਗਈਉਹ ਵਿਸ਼ਾ ਹੈ ਪੀ ਟੀ ਟੀਚਰ ਜਾਂ ਡੀ ਪੀ ਈ ਮਾਸਟਰ (DPE = Diploma in Physical Education)ਮੇਰੇ ਸੰਪਰਕ ਵਿੱਚ ਜਿੰਨੇ ਵੀ ਹੁਣ ਤਕ ਪੀ ਟੀ ਮਾਸਟਰ ਆਏ, ਉਹ ਜ਼ਿਆਦਾਤਾਰ ਦਾਰੂ ਸਿੱਕੇ ਵਾਲੇ ਸਨਮਿਹਨਤੀ ਵੀ ਘੱਟ ਮਿਲੇ ਇਸਦਾ ਮਤਲਬ ਇਹ ਨਹੀਂ ਕਿ ਸਾਰੇ ਪੀ ਟੀ ਜਾਂ ਡੀ ਪੀ ਈ ਅਜਿਹੇ ਹੋਣਇਹ ਮੇਰੀ ਧਾਰਨਾ ਉਦੋਂ ਬਦਲ ਗਈ ਜਦੋਂ ਮੈਂ ਬਦਲੀ ਕਰਾ ਕੇ ਰੋਪੜ ਜ਼ਿਲ੍ਹੇ ਦੇ ਪਿੰਡ ਢੰਗਰਾਲੀ ਦੇ ਸੀਨੀਅਰ ਸੈਕੰਡਰੀ ਸਕੂਲ ਵਿਖੇ ਹਾਜ਼ਰ ਹੋਇਆਇਸ ਸਕੂਲ ਵਿੱਚ ਮੇਰੀ ਮੁਲਾਕਾਤ ਸ. ਅਮਨਦੀਪ ਸਿੰਘ ਨਾਲ ਹੋਈ ਜੋ ਡੀ ਪੀ ਈ ਦੀ ਪੋਸਟ ’ਤੇ ਹਨਉਹਨਾਂ ਦੀ ਸ਼ਖਸੀਅਤ ਦਾ ਇੱਕ ਇੱਕ ਪੱਖ ਪ੍ਰਭਾਵਸ਼ਾਲੀ ਅਤੇ ਪ੍ਰੇਰਣਾਦਾਇਕ ਹੈਸਕੂਲ ਦੇ ਹਰ ਕੰਮ ਨੂੰ ਆਪਣਾ ਸਮਝ ਕੇ ਕਰਨ ਵਿੱਚ ਉਹ ਮਾਣ ਮਹਿਸੂਸ ਕਰਦੇਖਾਲਸਾਈ ਰੂਪ ਵਿੱਚ ਉਹ ਦਿਲ ਦੇ ਵੀ ਖਾਲਸ ਹਨਗੁਰਸਿੱਖ ਦਿੱਖ ਵਾਲੇ ਬੜੇ ਹੀ ਅਦਬ ਨਾਲ ਸਮਾਜ ਵਿੱਚ ਵਿਚਰਦੇ ਹਨਅਮਨਦੀਪ ਸਿੰਘ ਵਿੱਚ ਕਈ ਖੂਬੀਆਂ ਬੜੀਆਂ ਵਿਲੱਖਣ ਹਨ, ਜਿਨ੍ਹਾਂ ਦਾ ਵਰਣਨ ਕਰਨ ’ਤੇ ਮੇਰੀ ਕਲਮ ਵੀ ਮੇਰਾ ਸਾਥ ਬਾਖੂਬੀ ਦੇ ਰਹੀ ਹੈਸਾਡੇ ਗ੍ਰੰਥਾਂ ਵਿੱਚ ਵੀ ਲਿਖਿਆ ਕਿ ਉਹ ਬੰਦਾ ਮਹਾਨ ਹੁੰਦਾ ਹੈ ਜਿਹੜਾ ਆਪਣੀ ਮਿਹਨਤ ਦੀ ਕਮਾਈ ਵਿੱਚੋਂ ਦਾਨ ਪੁੰਨ ਕਰਦਾ ਹੈ ਇੱਕ ਗੱਲ ਇੱਥੇ ਕਾਬਲੇ ਜ਼ਿਕਰ ਹੈ ਕਿ ਸਟਾਫ ਵਿੱਚ ਸਭ ਨਾਲੋਂ ਘੱਟ ਤਨਖਾਹ ਹੋਣ ਦੇ ਬਾਵਜੂਦ ਅਮਨਦੀਪ ਸਿੰਘ ਬੱਚਿਆਂ ਦੀ ਮਦਦ ਕਰਨ ਵਿੱਚ ਹਮੇਸ਼ਾ ਮੋਹਰੀ ਰਹੇ ਹਨਵਿਦਿਆਰਥੀਆਂ ਲਈ ਪੈੱਨ ਤੇ ਕਾਪੀਆਂ ਲਿਆ ਕੇ ਬਾਹਰ ਇੱਕ ਖੁੱਲ੍ਹੇ ਮੇਜ਼ ’ਤੇ ਰਖਵਾ ਦਿੰਦੇ ਹਨਸਵੇਰ ਦੀ ਸਭਾ ਵਿੱਚ ਅਨਾਊਂਸ ਕਰਦੇ ਹਨ ਕਿ ਜਿਸ ਨੂੰ ਵੀ ਕੋਈ ਕਾਪੀ ਚਾਹੀਦੀ ਐ, ਚੁੱਪਚਾਪ ਉੱਥੋਂ ਟੇਬਲ ਤੋਂ ਲੈ ਸਕਦਾ ਹੈ

ਉਨ੍ਹਾਂ ਨੇ ਨਵੰਬਰ 2021 ਵਿੱਚ ਰੈਗੂਲਰ ਹੋਣਾ ਹੈ, ਇਸ ਲਈ ਅਜੇ ਤਨਖਾਹ ਘੱਟ ਮਿਲਦੀ ਹੈ ਪਰ ਉਨ੍ਹਾਂ ਦਾ ਹਿਰਦਾ ਬੜਾ ਵਿਸ਼ਾਲ ਹੈਉਨ੍ਹਾਂ ਦੀ ਵਿੱਦਿਅਕ ਯੋਗਤਾ ਐੱਮ ਐੱਡ, ਐੱਮ ਫਿਲ ਹੈਬਾਰ੍ਹਵੀਂ ਬੋਰਡ ਦੀਆਂ ਸਵੇਰੇ ਐਕਸਟਰਾ ਕਲਾਸਾਂ ਹਰ ਸਾਲ ਲਗਾਉਂਦੇ ਹਨਲਗਾਤਾਰ ਸਰੀਰਕ ਸਿੱਖਿਆ ਵਿਸ਼ੇ ਦੇ ਟੈਸਟ ਲੈਂਦੇ ਰਹਿੰਦੇ ਹਨ, ਜੋ ਆਪਣੇ ਆਪ ਵਿੱਚ ਇੱਕ ਸ਼ਲਾਘਾਯੋਗ ਗੱਲ ਹੈਵਿਦਿਆਰਥੀਆਂ ਨੂੰ ਆਪਣੇ ਧੀਆਂ ਪੁੱਤਾਂ ਵਾਂਗ ਸਮਝ ਕੇ ਉਨ੍ਹਾਂ ਦੀਆਂ ਮੁਸ਼ਕਿਲਾਂ ਵੀ ਹੱਲ ਕਰਦੇ ਹਨਜਿੱਥੇ ਉਨ੍ਹਾਂ ਦਾ ਬੱਚਿਆਂ ਨਾਲ ਬਹੁਤ ਪਿਆਰ ਹੈ, ਉੱਥੇ ਸਕੂਲ ਵਿੱਚ ਅਨੁਸ਼ਾਸਨ ਦੇ ਮਾਮਲੇ ਵਿੱਚ ਰੋਅਬ ਵੀ ਪੂਰਾ ਹੈਕਿਸੇ ਕਿਸਮ ਦੀ ਅਨੁਸ਼ਾਸਨਹੀਣਤਾ ਉਹ ਬਰਦਾਸ਼ਤ ਨਹੀਂ ਕਰਦੇਪਿਛਲੇ ਸਾਲ ਕੋਰੋਨਾ ਕਾਲ ਸਮੇਂ ਉਸ ਨੇ ਆਲੇ ਦੁਆਲੇ ਪਿੰਡਾਂ ਵਿੱਚ ਜਾ ਕੇ ਰਿਕਾਰਡਤੋੜ ਵੀਹ ਤੋਂ ਵੱਧ ਨਵੇਂ ਵਿਦਿਆਰਥੀਆਂ ਦੇ ਦਾਖਲੇ ਕਰਵਾਏਕਈ ਪ੍ਰਾਈਵੇਟ ਸਕੂਲਾਂ ਵਿੱਚੋਂ ਬੱਚੇ ਲਿਆ ਕੇ ਉਨ੍ਹਾਂ ਨੇ ਸਰਕਾਰੀ ਸਕੂਲ ਵਿੱਚ ਦਾਖਲ ਕਰਵਾਏ

ਪੰਜਾਬੀ ਸਾਹਿਤ ਨਾਲ ਵੀ ਅਮਨਦੀਪ ਸਿੰਘ ਦਾ ਬਹੁਤ ਪਿਆਰ ਹੈਇਹ ਸ਼ੌਕ ਉਨ੍ਹਾਂ ਨੂੰ ਆਪਣੇ ਵਿਰਸੇ ਤੋਂ ਮਿਲਿਆਉਨ੍ਹਾਂ ਦੇ ਮਾਤਾ ਸ੍ਰੀਮਤੀ ਅਮਰਜੀਤ ਕੌਰ (ਰਿਟਾਇਰਡ ਪੰਜਾਬੀ ਮਿਸਟ੍ਰੈਸ) ਇਕ ਚੰਗੇ ਸਾਹਿਤਕਾਰ ਹਨ, ਜਿਨ੍ਹਾਂ ਦੀਆਂ ਕਈ ਪੁਸਤਕਾਂ ਛਪ ਚੁੱਕੀਆਂ ਹਨਆਪਣੀਆਂ ਚੰਗੀਆਂ ਕਵਿਤਾਵਾਂ ਨੂੰ ਸਵੇਰ ਦੀ ਸਭਾ ਵਿੱਚ ਬੱਚਿਆਂ ਨਾਲ ਵੀ ਸਾਂਝੀਆਂ ਕਰਦੇ ਰਹਿੰਦੇ ਹਨਆਪਣੇ ਕਿਰਦਾਰ ਨੂੰ ਉੱਚਾ-ਸੁੱਚਾ ਰੱਖਣ ਲਈ ਉਸ ਨੇ ਆਪਣੇ ਕੁਝ ਜ਼ਿੰਦਗੀ ਦੇ ਨਿਯਮ ਬਣਾਏ ਹਨਬਾਜ਼ਾਰੀ ਚੀਜ਼ ਉਹ ਕਦੇ ਨਹੀਂ ਖਾਂਦੇਖਾਸ ਕਰਕੇ ਤਲੀਆਂ ਹੋਈਆਂ ਅਤੇ ਮਸਾਲੇਦਾਰ ਚੀਜ਼ਾਂ ਦਾ ਉਹ ਸੇਵਨ ਬਿਲਕੁਲ ਨਹੀਂ ਕਰਦੇਚਾਹ ਨੂੰ ਉਹ ਕਦੇ ਹੱਥ ਨਹੀਂ ਲਾਉਂਦੇਉਨ੍ਹਾਂ ਦੀ ਦਾਲ ਸਬਜ਼ੀ ਅਲੱਗ ਕਿਸਮ ਦੀ ਹੁੰਦੀ ਹੈ ਜਿਸ ਵਿੱਚ ਨਮਕ ਤੇ ਹਲਦੀ ਤੋਂ ਇਲਾਵਾ ਕੁਝ ਨਹੀਂ ਹੁੰਦਾਲਸਣ, ਪਿਆਜ ਤੇ ਅਦਰਕ ਤੋਂ ਪੂਰਾ ਪਰਹੇਜ਼ ਕਰਦੇ ਹਨਪਿਛਲੇ ਸਾਲ ਸਾਡੇ ਸਕੂਲ ਦੇ ਪ੍ਰਿੰਸੀਪਲ ਮੈਡਮ ਦੀ ਬੇਟੀ ਦੀ ਸ਼ਾਦੀ ਸੀਅਸੀਂ ਸਟਾਫ ਮੈਂਬਰ ਉੱਥੇ ਗਏਅਮਨਦੀਪ ਵੀ ਸਾਡੇ ਨਾਲ ਸੀਛੱਤੀ ਤਰ੍ਹਾਂ ਦੀਆਂ ਚੀਜ਼ਾਂ ਦੀਆਂ ਸਟਾਲਾਂ ਲੱਗੀਆਂ ਹੋਈਆਂ ਸਨ ਪਰ ਉਨ੍ਹਾਂ ਨੇ ਕਿਸੇ ਚੀਜ਼ ਨੂੰ ਹੱਥ ਤਕ ਨਾ ਲਾਇਆਉਨ੍ਹਾਂ ਦਾ ਕਹਿਣਾ ਸੀ ਕਿ ਹਰ ਚੀਜ਼ ਵਿੱਚ ਮਸਾਲਾ ਹੁੰਦਾ ਹੈ

ਜਿੱਥੋਂ ਤਕ ਵਿਦਿਆਰਥੀਆਂ ਦੀਆਂ ਖੇਡਾਂ ਸਬੰਧੀ ਪ੍ਰਾਪਤੀਆਂ ਦਾ ਸੰਬੰਧ ਹੈ, ਅਮਨਦੀਪ ਸਿੰਘ ਦੇ ਵਿਦਿਆਰਥੀ ਸਟੇਟ ਅਤੇ ਨੈਸ਼ਨਲ ਪੱਧਰ ਤਕ ਖੇਡੇ ਹਨਆਪਣੀ ਜੇਬ ਵਿੱਚੋਂ ਪੈਸਾ ਖਰਚ ਕਰਕੇ ਉਹ ਸਪੋਰਟਸ ਸਬੰਧੀ ਸਾਮਾਨ ਤਕ ਲਿਆ ਕੇ ਦਿੰਦੇ ਰਹੇਗਰਾਊਂਡ ਵਿੱਚ ਬੱਚਿਆਂ ਨੂੰ ਆਪ ਜਾ ਕੇ ਕੋਚਿੰਗ ਦਿੰਦੇ ਹਨਸਵੇਰ ਦੀ ਸਭਾ ਲਈ ਉਹਨਾਂ ਨੇ ਮਿਊਜ਼ੀਕਲ ਸਾਜ਼ ਲਿਆਂਦੇ ਹੋਏ ਹਨ ਤੇ ਬੱਚਿਆਂ ਨੂੰ ਆਪ ਹੀ ਸ਼ਬਦ ਗਾਇਨ ਲਈ ਤਿਆਰ ਕਰਦੇ ਹਨਰੋਜ਼ ਸ਼ਾਮ ਨੂੰ ਗੁਰਦੁਆਰਾ ਸਾਹਿਬ ਜਾ ਕੇ ਉਹ ਵਾਹਿਗੁਰੂ ਦਾ ਸ਼ੁਕਰਾਨਾ ਕਰਦੇ ਹਨ

ਦੇਰ ਸ਼ਾਮ ਅਮਨਦੀਪ ਸਿੰਘ ਆਪਣੀ ਚੰਗੀ ਸਿਹਤ ਲਈ ਦੋ ਘੰਟੇ ਜਿੰਮ ਵੀ ਜਾਂਦੇ ਹਨਸ਼ਰਾਬ, ਮੀਟ, ਆਂਡੇ ਤੋਂ ਬਿਨਾਂ ਉਹ ਦੁੱਧ ਜਾਂ ਦੁੱਧ ਤੋਂ ਬਣੀਆਂ ਵਸਤੂਆਂ ਨੂੰ ਤਰਜੀਹ ਦਿੰਦੇ ਹਨਜੀਵਨ ਸ਼ੈਲੀ ਸਾਦਾ ਅਤੇ ਉੱਚ ਵਿਚਾਰ ਵਾਲੀ ਹੈਬਹੁਤ ਵਧੀਆ ਭੰਗੜਚੀ ਵੀ ਹਨਸਕੂਲ ਦੇ ਪ੍ਰਿੰਸੀਪਲ ਮੈਡਮ ਜਸਜੀਤ ਕੌਰ ਸੰਧੂ ਨੂੰ ਵੀ ਆਪਣੇ ਇਸ ਹੋਣਹਾਰ ਅਧਿਆਪਕ ’ਤੇ ਮਾਣ ਹੈਪ੍ਰਿੰਸੀਪਲ ਮੈਡਮ ਉਨ੍ਹਾਂ ਨੂੰ ਆਲ ਰਾਊਂਡਰ ਮੰਨਦੇ ਹਨਸਕੂਲ ਦਾ ਕੋਈ ਕੰਮ ਜੇ ਅਧੂਰਾ ਰਹਿ ਜਾਂਦਾ ਤਾਂ ਉਸ ਨੂੰ ਨੇਪਰੇ ਚਾੜ੍ਹਨ ਲਈ ਉਹ ਅਮਨਦੀਪ ਸਿੰਘ ਤੋਂ ਆਸ ਰੱਖਦੇ ਹਨਅਮਨਦੀਪ ਸਿੰਘ ਵੀ ਪ੍ਰਿੰਸੀਪਲ ਮੈਡਮ ਦੀਆਂ ਆਸਾਂ ਉੱਤੇ ਖਰੇ ਉੱਤਰਦੇ ਹਨਅਮਨਦੀਪ ਸਿੰਘ ਹਰ ਦਿਲ ਅਜ਼ੀਜ਼ ਹੈ ਤੇ ਆਪਣੇ ਵਿਦਿਆਰਥੀਆਂ ਵਿੱਚ ਉਹ ਬਹੁਤ ਹਰਮਨ ਪਿਆਰਾ ਹੈਕੁੜੀਆਂ ਅਤੇ ਮੁੰਡੇ ਬੇਝਿਜਕ ਹੋ ਕੇ ਇਸ ਤਰ੍ਹਾਂ ਅਮਨਦੀਪ ਸਿੰਘ ਨਾਲ ਗੱਲ ਸਾਂਝੀ ਕਰ ਲੈਂਦੇ ਹਨ ਜਿਵੇਂ ਉਹ ਆਪਣੇ ਪਿਤਾ ਨਾਲ ਗੱਲ ਕਰ ਰਹੇ ਹੋਣ

ਹੋਰ ਬਹੁਤਾ ਕੁਝ ਨਾ ਕਹਿੰਦੇ ਹੋਏ ਮੈਂ ਉਨ੍ਹਾਂ ਦੀ ਸ਼ਖ਼ਸੀਅਤ ਨੂੰ ਇੱਕ ਸਤਰ ਵਿੱਚ ਪਰੋਣ ਦਾ ਯਤਨ ਕਰ ਰਿਹਾ ਹਾਂਉਹ ਦਾਨੀ, ਮਦਦਗਾਰ, ਭਾਵੁਕ, ਮਨੁੱਖੀ ਕਦਰਾਂ ਕੀਮਤਾਂ ਨਾਲ ਲਬਰੇਜ਼, ਸਿਧਾਂਤਾਂ ’ਤੇ ਚੱਲਣ ਵਾਲੇ, ਮਨੁੱਖੀ ਵਰਤਾਰੇ ਨੂੰ ਸਮਝਣ ਵਾਲੇ ਅਤੇ ਹਰੇਕ ਦੀ ਮੁਸੀਬਤ ਵਿੱਚ ਨਾਲ ਖੜ੍ਹਨ ਵਾਲੇ ਨੇਕ ਇਨਸਾਨ ਹਨਅੰਤ ਵਿੱਚ ਇਹੀ ਕਹਾਂਗਾ ਕਿ ਅਮਨਦੀਪ ਸਿੰਘ ਆਪਣੇ ਸਿਧਾਂਤਾਂ ਅਤੇ ਨੇਕੀ ਉੱਤੇ ਇਸੇ ਤਰ੍ਹਾਂ ਹੀ ਚੱਲਦੇ ਰਹਿਣ ਮੈਂਨੂੰ ਯਕੀਨ ਹੈ ਕਿ ਭਵਿੱਖ ਵਿੱਚ ਉਹ ਆਪਣੀ ਮਿਹਨਤ ਅਤੇ ਚੰਗੀ ਨੀਅਤ ਨਾਲ ਹੋਰ ਉੱਚੀਆਂ ਬੁਲੰਦੀਆਂ ਛੂਹਣਗੇ

*****

ਨੋਟ: ਹਰ ਲੇਖਕ ‘ਸਰੋਕਾਰ’ ਨੂੰ ਭੇਜੀ ਗਈ ਰਚਨਾ ਦੀ ਕਾਪੀ ਆਪਣੇ ਕੋਲ ਸੰਭਾਲਕੇ ਰੱਖੇ।)

(2641)

(ਸਰੋਕਾਰ ਨਾਲ ਸੰਪਰਕ ਲਈ: This email address is being protected from spambots. You need JavaScript enabled to view it.)

About the Author

ਨਵਦੀਪ ਸਿੰਘ ਭਾਟੀਆ

ਨਵਦੀਪ ਸਿੰਘ ਭਾਟੀਆ

Kharar, SAS Nagar, Punjab, India.
Phone: (91 - 98767 - 29056)
Email: (singhbhatia71@gmail.com)

More articles from this author