NavdeepBhatia7ਮੈਂ ਆਪਣੀ ਮੂਹਰਲੀ ਬੈਠਕ ਵਿੱਚ ਬੈਠਾ ਸੀ ਤਾਂ ਅਚਾਨਕ ਕਿਸੇ ਨੇ ...
(21 ਜੂਨ 2019)

 

ਹੁਣ ਮੇਰੀ ਉਪਰ 50 ਸਾਲ ਤੋਂ ਕੁਝ ਕੁ ਹਫਤੇ ਉੱਤੇ ਹੋ ਗਈ ਹੈ। ਮੇਰੇ ਵਿਆਹ ਦੇ ਵੀ 25 ਸਾਲ 8 ਮਈ 2019 ਨੂੰ ਹੋ ਗਏ ਹਨਇਕ ਦਿਨ ਮੈਂ ਇਕੱਲਾ ਬੈਠਿਆ ਆਪਣੇ ਅਤੀਤ ਦੀ ਬਾਰੀ ਵਿੱਚ ਝਾਕਦਾ ਹੋਇਆ 25 ਸਾਲ ਪਿੱਛੇ ਚਲਾ ਗਿਆਮੈਂ ਐੱਮ.ਏ ਬੀ.ਐੱਡ ਕਰਨ ਬਾਅਦ ਇੱਕ ਨਿੱਜੀ ਸਕੂਲ ਵਿੱਚ ਪੜ੍ਹਾਉਣ ਲੱਗ ਪਿਆਤਨਖਾਹ ਥੋੜ੍ਹੀ ਸੀ ਪਰ ਟਿਊਸ਼ਨ ਪੜ੍ਹਾ ਕੇ ਕਮਾਈ ਠੀਕ ਠਾਕ ਹੋ ਜਾਂਦੀ ਸੀਆਪਣੇ ਘਰ ਆਉਂਦੀ ਅਖ਼ਬਾਰ ਮੈਂ ਆਥਣ ਨੂੰ ਜਰੂਰ ਪੜ੍ਹਦਾਇੱਕ ਦਿਨ ਮੇਰੀ ਨਜ਼ਰ ਅਖਬਾਰ ਦੇ ਮੈਟਰੀਮੋਨੀਅਲ ਵੱਲ ਪਈ ਜਿਸ ਵਿੱਚ ਇੱਕ ਲੜਕੀ ਦਾ ਬਾਇਓ ਡਾਟਾ ਲਿਖਿਆ ਸੀਲੜਕੀ ਨੇ ਬੀਏ ਗਣਿਤ ਵਿਸ਼ੇ ਨਾਲ ਕੀਤੀ ਸੀ ਅਤੇ ਉਹ ਐੱਮ.ਏ ਇਕਨਾਮਿਕਸ ਕਰ ਰਹੀ ਸੀਉਸ ਮੈਟਰੀਮੋਨੀਅਲ ਵਿੱਚ ਨੌਕਰੀਪੇਸ਼ਾ ਵੈਸ਼ਨੂੰ ਲੜਕੇ ਦੀ ਮੰਗ ਕੀਤੀ ਸੀਮੈਂ ਵੈਸ਼ਨੂੰ ਵੀ ਸੀ ਅਤੇ ਨੌਕਰੀ ਵੀ ਕਰਦਾ ਸੀਪਰ ਇੱਕ ਗੱਲ ਦਾ ਫਿਕਰ ਸੀ ਕਿ ਮੇਰੀ ਨੌਕਰੀ ਸਰਕਾਰੀ ਨਹੀਂ ਸੀਮੈਂ ਰੱਬ ਨੂੰ ਚੇਤੇ ਕਰਕੇ ਮੈਟਰੀਮੋਨੀਅਲ ਦਾ ਰਸਪੌਂਸ ਭੇਜ ਦਿੱਤਾਪਰ ਇਸਦਾ ਜ਼ਿਕਰ ਮੈਂ ਆਪਣੇ ਮਾਤਾ ਪਿਤਾ ਨੂੰ ਨਹੀਂ ਕੀਤਾ

ਅਗਲੇ ਐਤਵਾਰ ਮੈਂ ਆਪਣੀ ਮੂਹਰਲੀ ਬੈਠਕ ਵਿੱਚ ਬੈਠਾ ਸੀ ਤਾਂ ਅਚਾਨਕ ਕਿਸੇ ਨੇ ਦਰਵਾਜ਼ੇ ਉੱਤੇ ਦਸਤਕ ਦਿੱਤੀਇੱਕ ਅੱਧਖੜ ਜੋੜਾ ਦਰਵਾਜ਼ੇ ’ਤੇ ਖੜ੍ਹਾ ਸੀਉਹਨਾਂ ਦੱਸਿਆ ਕਿ ਵਿਆਹ ਸਬੰਧੀ ਇਸ਼ਤਿਹਾਰ ਲਈ ਤੁਹਾਡੇ ਵੱਲੋਂ ਰਸਪੌਂਸ ਮਿਲਿਆ ਹੈਮੈਂ ਸਮਝ ਗਿਆ ਕਿ ਲੜਕੀ ਦੇ ਮਾਤਾ ਪਿਤਾ ਹਨਮੈਂ ਉਹਨਾਂ ਨੂੰ ਅਦਬ ਨਾਲ ਬੈਠਕ ਵਿੱਚ ਬਿਠਾ ਦਿੱਤਾਮੇਰੇ ਮਾਤਾ ਪਿਤਾ ਪਿਛਲੇ ਕਮਰੇ ਵਿੱਚ ਟੀ ਵੀ ਵੇਖ ਰਹੇ ਸਨ, ਜਿਹਨਾਂ ਨੂੰ ਇਸ ਘਟਨਾ ਦਾ ਪਤਾ ਨਹੀਂ ਸੀਮੈਂ ਪਿਛਲੇ ਕਮਰੇ ਵਿੱਚ ਜਾ ਕੇ ਆਪਣੇ ਮਾਤਾ ਪਿਤਾ ਤੋਂ ਮੁਆਫੀ ਮੰਗੀ ਅਤੇ ਸਥਿਤੀ ਨੂੰ ਨਜਿੱਠਣ ਲਈ ਬੇਨਤੀ ਕੀਤੀ

ਮੇਰੇ ਮਾਤਾ ਪਿਤਾ ਲੜਕੀ ਦੇ ਮਾਤਾ ਪਿਤਾ ਨੂੰ ਮਿਲੇਵਧੀਆ ਮਾਹੌਲ ਵਿੱਚ ਗੱਲਬਾਤ ਹੋਈਉਹਨਾਂ ਨੂੰ ਮੈਂ ਪਸੰਦ ਆ ਗਿਆਮੇਰੀ ਛੋਟੇ ਸਾਈਜ਼ ਦੀ ਕੋਟ ਵਾਲੀ ਫੋਟੋ ਉਹ ਆਪਣੇ ਨਾਲ ਲੈ ਗਏਦੋ ਦਿਨ ਬਾਅਦ ਫੋਨ ਆ ਗਿਆ ਕਿ ਅਗਲੇ ਐਤਵਾਰ ਤੁਸੀਂ ਲੜਕੀ ਨੂੰ ਵੇਖਣ ਲੁਧਿਆਣੇ ਆ ਜਾਵੋ

ਮੈਂ ਅਤੇ ਮੇਰੇ ਮਾਤਾ ਪਿਤਾ ਨਿਸ਼ਚਿਤ ਦਿਨ ਲੁਧਿਆਣੇ ਪਹੁੰਚ ਗਏਲੜਕੀ ਦੇ ਮਾਤਾ ਪਿਤਾ ਨੇ ਸਾਡਾ ਸਵਾਗਤ ਕੀਤਾਡਰਾਇੰਗ ਰੂਮ ਸਜਿਆ ਹੋਇਆ ਸੀਲੜਕੀ ਕਿਸੇ ਦੂਜੇ ਕਮਰੇ ਵਿੱਚ ਬੈਠੀ ਸੀਚਾਹ ਪਾਣੀ ਲੈ ਕੇ ਲੜਕੀ ਨੂੰ ਉਸਦੀ ਮਾਤਾ ਨੇ ਡਰਾਇੰਗ ਰੂਮ ਵਿੱਚ ਭੇਜ ਦਿੱਤਾ ਜਿੱਥੇ ਅਸੀਂ ਬੈਠੇ ਸੀਉਹ ਸੰਗਦੀ ਹੋਈ ਉਸੇ ਕਮਰੇ ਵਿੱਚ ਇੱਕ ਅਲੱਗ ਕੁਰਸੀ ’ਤੇ ਬੈਠ ਗਈਲੜਕੀ ਦਾ ਰੰਗ ਸਾਫ਼ ਸੀ ਅਤੇ ਦੇਖਣ ਵਿੱਚ ਠੀਕ ਸੀਸਭ ਤੋਂ ਵੱਡੀ ਗੱਲ ਇਹ ਕਿ ਉਹ ਕੁਆਲੀਫਾਈਡ ਸੀ ਅਤੇ ਉਸਨੇ ਬੀ.ਏ ਤੱਕ ਮੈਥ ਪੜ੍ਹਿਆ ਹੋਇਆ ਸੀਮੈਂ ਸੋਚਿਆ ਕਿ ਜੇ ਸਰਕਾਰੀ ਨੌਕਰੀ ਨਾ ਮਿਲੀ ਤਾਂ ਅਸੀਂ ਟਿਊਸ਼ਨਾਂ ਪੜ੍ਹਾ ਕੇ ਗੁਜ਼ਾਰਾ ਕਰ ਸਕਦੇ ਹਾਂਬੱਸ ਇੱਕ ਸਮੱਸਿਆ ਸੀ ਕਿ ਉਹ ਪਤਲੀ ਹੋਣ ਕਰਕੇ ਮੇਰੇ ਤੋਂ ਲੰਬੀ ਲੱਗੀਇਹ ਭਰਮ ਵੀ ਜਲਦੀ ਦੂਰ ਹੋ ਗਿਆ ਜਦੋਂ ਸਾਡੇ ਵੱਡੇ ਸਾਨੂੰ ਆਪਣੀ ਆਪਣੀ ਥਾਂ ਤੋਂ ਉਠਾ ਕੇ ਇਕੱਠੇ ਬਿਠਾਉਣ ਲੱਗੇ ਤਾਂ ਉਸ ਨਾਲ ਖੜੋ ਕੇ ਮੈਂਨੂੰ ਆਪਣਾ ਕੱਦ 3-4 ਇੰਚ ਜ਼ਿਆਦਾ ਜਾਪਿਆ

ਜਦੋਂ ਸਾਰਿਆਂ ਨੇ ਲੜਕੀ ਬਾਰੇ ਮੇਰੀ ਰਾਏ ਪੁੱਛੀ ਤਾਂ ਮੈਂ ਹਾਂ ਕਰ ਦਿੱਤੀਸਾਡਾ ਦੋਨਾਂ ਦਾ ਬਰਫੀ ਨਾਲ ਮੂੰਹ ਮਿੱਠਾ ਕਰਵਾ ਕੇ ਝੋਲੀ ਵਿੱਚ ਸ਼ਗਨ ਪਾ ਕੇ ਬੜੇ ਸਰਲ ਢੰਗ ਨਾਲ ਰਿਸ਼ਤਾ ਤੈਅ ਹੋ ਗਿਆਹੁਣ ਵਿਆਹ ਦੀ ਤਾਰੀਖ ਦਾ ਫੈਸਲਾ ਲੜਕੀ ਵੱਲੋਂ ਬੀ.ਐੱਡ ਦੇ ਐਂਟਰੈਂਸ ਟੈਸਟ ਦੇ ਨਤੀਜੇ ’ਤੇ ਤੈਅ ਹੋਣਾ ਸੀਲੜਕੀ ਦੇ ਪਿਤਾ ਨੇ ਕਿਹਾ ਜੇ ਲੜਕੀ ਤੋਂ ਟੈਸਟ ਪਾਸ ਨਾ ਹੋਇਆ ਤਾਂ ਵਿਆਹ 2 ਮਹੀਨਿਆਂ ਵਿੱਚ ਕਰ ਦੇਵਾਂਗੇਪਰ ਜੇ ਉਹ ਟੈਸਟ ਪਾਸ ਕਰ ਗਈ ਤਾਂ ਵਿਆਹ ਲਈ ਪੂਰਾ ਇੱਕ ਸਾਲ ਰੁਕਣਾ ਪਵੇਗਾਮੈਂ ਚਾਹੁੰਦਾ ਸੀ ਕਿ ਟੈਸਟ ਪਾਸ ਨਾ ਹੋਵੇ ਅਤੇ ਜਲਦੀ ਵਿਆਹ ਹੋ ਜਾਵੇਪਰ ਕਿਸਮਤ ਨੂੰ ਉਸਦਾ ਟੈਸਟ ਵਿੱਚ ਵਧੀਆ ਰੈਂਕ ਆ ਗਿਆ ਅਤੇ ਉਸਨੂੰ ਉਸਦੇ ਆਪਣੇ ਸ਼ਹਿਰ ਵਿੱਚ ਹੀ ਮਾਲਵਾ ਕਾਲਜ ਫਾਰ ਵਿਮੈਨ ਵਿੱਚ ਦਾਖਲਾ ਮਿਲ ਗਿਆਮੈਂਨੂੰ ਵਿਆਹ ਲਈ ਇੱਕ ਸਾਲ ਹੋਰ ਉਡੀਕ ਕਰਨੀ ਪਈ

ਉਹਨਾਂ ਸਮਿਆਂ ਵਿੱਚ ਮੋਬਾਇਲ ਫੋਨ ਨਹੀਂ ਹੋਇਆ ਕਰਦੇ ਸੀਸਾਰੇ ਮੁੱਹਲੇ ਵਿੱਚ ਇੱਕ ਅੱਧਾ ਘਰ ਹੁੰਦਾ ਸੀ, ਜਿਹਨਾਂ ਦੇ ਟੈਲੀਫੋਨ ਲੱਗਾ ਹੁੰਦਾ ਸੀਮੇਰੇ ਸਹੁਰਿਆਂ ਦੇ ਘਰ ਦੇ ਨੇੜੇ ਇੱਕ ਘਰ ਸੀ ਜਿਹਨਾਂ ਦਾ ਫੋਨ ਨੰਬਰ ਉਹਨਾਂ ਨੇ ਸਾਨੂੰ ਦੇ ਦਿੱਤਾ ਸੀਪਰ ਕਦੇ ਗੱਲ ਕਰਨ ਦਾ ਹੀਆ ਨਹੀਂ ਪਿਆਇਹ ਉਹ ਸਮਾਂ ਸੀ ਜਦ ਵਿਆਹ ਤੋਂ ਪਹਿਲਾਂ ਲੜਕੀ ਲੜਕੇ ਦਾ ਮਿਲਣ ’ਤੇ ਮਾਪੇ ਇਤਰਾਜ਼ ਕਰਦੇ ਸਨ

ਮੈਂ ਵੀ ਮਰਿਆਦਾ ਵਿੱਚ ਬੰਨ੍ਹੇ ਨੇ ਇੱਕ ਸਾਲ ਉਡੀਕ ਕੀਤੀ ਅਤੇ ਅੰਤ ਉਹ ਸੁਭਾਗਾ ਦਿਨ ਆ ਗਿਆਸਾਡਾ ਵਿਆਹ ਚਮਕ ਦਮਕ ਤੋਂ ਬਿਨਾਂ ਬੜੇ ਸਾਦੇ ਢੰਗ ਨਾਲ ਹੋਇਆਵਿਆਹ ਵਾਲੇ ਦਿਨ ਮੈਂ ਉਸਦਾ ਛੋਟਾ ਨਾਮ 'ਜੋਤ’ ਰੱਖ ਦਿੱਤਾ, ਉਸਦਾ ਪੂਰਾ ਨਾਮ ਜਤਿੰਦਰ ਹੈ ਮੈਂ ਉਸਨੂੰ ਹਮੇਸ਼ਾ 'ਜੋਤ’ ਕਹਿ ਕੇ ਬੁਲਾਇਆ ਹੈਮੇਰੀ ਪਤਨੀ ਦੇ ਦਾਦੀ ਜੀ ਕਹਿੰਦੇ ਸੀ ਕਿ ਇਹ ਲੜਕੀ ਬੜੀ ਕਿਸਮਤ ਵਾਲੀ ਹੈਇਹ ਚਾਰ ਭੈਣਾਂ ਵਿੱਚੋਂ ਸਭ ਤੋਂ ਛੋਟੀ ਸੀ ਅਤੇ ਇਸ ਤੋਂ ਬਾਅਦ ਭਰਾ ਪੈਦਾ ਹੋਇਆਮੇਰੇ ਸਹੁਰਾ ਸਾਹਿਬ ਦੱਸਦੇ ਸਨ ਕਿ ਸਾਡੇ ਖਰੀਦੇ ਸ਼ੇਅਰ ਫਾਇਦੇ ਵਿੱਚ ਨਹੀਂ ਰਹੇ ਪਰ ਜਿਹੜੇ ਸ਼ੇਅਰ ਇਸਦੇ ਨਾਮ ’ਤੇ ਖਰੀਦੇ ਸਨ, ਉਹ ਡਬਲ ਹੋ ਗਏ

ਸੱਚਮੁੱਚ ‘ਜੋਤ’ ਦੇ ਮੇਰੀ ਜ਼ਿੰਦਗੀ ਵਿੱਚ ਆਉਣ ਨਾਲ ਮੇਰੀਆਂ ਖੁਸ਼ੀਆਂ ਵੀ ਡਬਲ ਹੋ ਗਈਆਂਵਿਆਹ ਤੋਂ ਬਾਅਦ ਅਸੀਂ ਦੋ ਕੁ ਸਾਲ ਟਿਊਸ਼ਨ ਪੜ੍ਹਾ ਕੇ ਮਿਹਨਤ ਕੀਤੀਉਸ ਤੋਂ ਬਾਅਦ ਸਾਡੀ ਦੋਨਾਂ ਦੀ ਸਰਕਾਰੀ ਨੌਕਰੀ ਲੱਗ ਗਈਮੇਰੀ ਜੋਤ ਨੇ ਵਿਆਹ ਤੋਂ ਬਾਅਦ ਮੇਰੀ ਜ਼ਿੰਦਗੀ ਨੂੰ ਰੁਸ਼ਨਾਇਆ ਹੈਮੇਰੇ ਚੰਗੇ ਭਾਗ ਹਨ ਕਿ ਮੈਂਨੂੰ ਵਧੀਆ ਜੀਵਨ ਸਾਥਣ ਮਿਲੀ ਜੋ ਅੱਜ ਵੀ ਜ਼ਿੰਦਗੀ ਦੇ ਹਰ ਖੇਤਰ ਵਿੱਚ ਮੇਰਾ ਸਾਥ ਦੇ ਰਹੀ ਹੈਵਿਆਹ ਦੀ ਇਸ ਸਿਲਵਰ ਜੁਬਲੀ ’ਤੇ ਮੈਂ ਆਪਣਾ ਲੇਖ ਆਪਣੀ ਜੋਤ ਨੂੰ ਸਮਰਪਿਤ ਕਰਦਾ ਹਾਂ ਅਤੇ ਰੱਬ ਅੱਗੇ ਦੁਆ ਕਰਦਾ ਹਾਂ ਕਿ ਉਹ ਸਹੀ ਸਲਾਮਤ ਰਹੇਮੇਰੀ ਜੋਤ ਆਪਣੀ ਜੋਤ ਵਿਚਲੇ ਚਾਨਣ ਨੂੰ ਇਸੇ ਤਰ੍ਹਾਂ ਸਾਡੇ ਪਰਿਵਾਰ ਵਿੱਚ ਵੰਡਦੀ ਰਹੇ

*****

(ਨੋਟ: ਹਰ ਲੇਖਕ ‘ਸਰੋਕਾਰ’ ਨੂੰ ਭੇਜੀ ਗਈ ਰਚਨਾ ਦੀ ਕਾਪੀ ਆਪਣੇ ਕੋਲ ਸੰਭਾਲਕੇ ਰੱਖੇ।)

(1639)

(ਸਰੋਕਾਰ ਨਾਲ ਸੰਪਰਕ ਲਈ: This email address is being protected from spambots. You need JavaScript enabled to view it.om)

About the Author

ਨਵਦੀਪ ਸਿੰਘ ਭਾਟੀਆ

ਨਵਦੀਪ ਸਿੰਘ ਭਾਟੀਆ

Kharar, SAS Nagar, Punjab, India.
Phone: (91 - 98767 - 29056)
Email: (singhbhatia71@gmail.com)

More articles from this author