BhupinderSMann7ਮੈਂ ਵੀ ਪ੍ਰਵਾਹ ਨਾ ਕਰਦੇ ਹੋਏ ਚੱਲਦੇ ਪ੍ਰੋਗਰਾਮ ਵਿੱਚ ਇੱਕ ਪਾਸੇ ਜਾ ਖੜ੍ਹਿਆ ਤੇ ਅਸੀਂ ...
(14 ਜਨਵਰੀ 2020)

 

ਪੁਰਾਣੀ ਗੱਲ ਹੈ, ਮੈਂ ਆਪਣੇ ਸਹੁਰਿਆਂ ਵੱਲੋਂ ਦੇ ਰਿਸ਼ਤੇਦਾਰਾਂ ਦੇ ਵਿਆਹ ਵਿੱਚ ਬਰਾਤ ਗਿਆਬਰਾਤ ਸੰਗਰੂਰ ਜ਼ਿਲ੍ਹੇ ਦੇ ਇੱਕ ਨੇੜਲੇ ਪਿੰਡ ਵਿੱਚ ਗਈ ਹੋਈ ਸੀਉਸ ਸਮੇਂ ਪੈਲੇਸ ਵਿੱਚ ਵਿਆਹ ਹਾਲੇ ਘੱਟ ਹੋਣ ਲੱਗੇ ਸਨਬਰਾਤ ਦਾ ਪ੍ਰਬੰਧ ਪਿੰਡ ਵਿੱਚ ਹੀ ਟੈਂਟ ਲਾ ਕੇ ਕੀਤਾ ਗਿਆ ਸੀਪੰਜਾਬ ਦੀ ਮਸ਼ਹੂਰ ਲੋਕ ਗਾਇਕ ਜੋੜੀ ਦਾ ਅਖਾੜਾ ਲੱਗਣਾ ਸੀਬਰਾਤ ਵਿੱਚ ਕਈ ਅਫਸਰ ਅਤੇ ਰਾਜਨੀਤਕ ਲੀਡਰ ਵੀ ਸ਼ਾਮਲ ਸਨਮੇਰੇ ਵੀ ਪੂਰੇ ਠਾਠ ਬਾਠ ਸਨਮੇਰਾ ਵੀ ਤਾਜ਼ਾ ਤਾਜ਼ਾ ਵਿਆਹ ਹੋਣ ਕਰਕੇ ਬਤੌਰ ਜਵਾਈ ਪੂਰਾ ਆਦਰ ਮਾਣ ਮਿਲ ਰਿਹਾ ਸੀ

ਜਦੋਂ ਅਸੀਂ ਲੜਕੀ ਵਾਲਿਆਂ ਦੇ ਪਿੰਡ ਪਹੁੰਚੇ ਤਾਂ ਬੈਂਡ ਵਾਜੇ ਵਾਲਿਆਂ ਨੇ ਆਪਣੇ ਜੌਹਰ ਦਿਖਾਉਣੇ ਸ਼ੁਰੂ ਕਰ ਦਿੱਤੇਅਸੀਂ ਜਦੋਂ ਟੈਂਟ ਦੇ ਸਾਹਮਣੇ ਪਹੁੰਚੇ ਤਾਂ ਕਾਫੀ ਸਾਰੇ ਵੇਟਰ ਆਪਣੇ ਹੱਥਾਂ ਵਿੱਚ ਖਾਣ ਪੀਣ ਵਾਲਾ ਸਾਮਾਨ ਲਈ ਖੜ੍ਹੇ ਸਨਉਹ ਮੈਂਨੂੰ ਦੇਖਣਸਾਰ ਆਪਸ ਵਿੱਚ ਕਾਨਾਫੂਸੀ ਕਰਨ ਲੱਗੇਉਨ੍ਹਾਂ ਦੇ ਚਿਹਰੇ ਖਿੜ ਗਏ ਸਨਮੈਂ ਵੀ ਉਨ੍ਹਾਂ ਨੂੰ ਦੇਖਦੇ ਹੀ ਪਹਿਚਾਣ ਲਿਆ ਸੀ

ਮੈਂ ਆਪਣੇ ਸ਼ਹਿਰ ਵੱਲੋਂ ਅਤੇ ਯੂਨੀਵਰਸਿਟੀ ਵੱਲੋਂ ਲਗਭਗ ਵੀਹ ਸਾਲ ਫੁੱਟਬਾਲ ਖੇਡਿਆਇਲਾਕੇ ਵਿੱਚ ਸਾਡੀ ਟੀਮ ਦਾ ਚੰਗਾ ਨਾਮ ਸੀਮੈਂਨੂੰ ਬਤੌਰ ਫੁੱਲਬੈਕ ਖੇਡਦੇ ਹੋਏ ਬਹੁਤ ਸਾਰੇ ਟੂਰਨਾਮੈਂਟ ਖੇਡਣ ਦਾ ਅਵਸਰ ਮਿਲਿਆਅਸੀਂ ਖੁਦ ਵੀ ਹਰ ਸਾਲ ਗੁਰੂ ਗੋਬਿੰਦ ਸਿੰਘ ਟੂਰਨਾਮੈਂਟ ਕਰਵਾਉਂਦੇ ਸੀਅਸੀਂ ਲਗਾਤਾਰ ਪੱਚੀ ਟੂਰਨਾਮੈਂਟ ਆਪਣੇ ਸ਼ਹਿਰ ਵਿਖੇ ਕਰਵਾਏਦਸਮੇਸ਼ ਸਪੋਰਟਸ ਕਲੱਬ ਦੇ ਵੱਖ ਵੱਖ ਅਹੁਦਿਆਂ ਉੱਤੇ ਰਹਿਣ ਦਾ ਮੈਂਨੂੰ ਮੌਕਾ ਮਿਲਿਆਅਸੀਂ ਹਰ ਸਾਲ ਟੂਰਨਾਮੈਂਟ ਵਿੱਚ ਚੰਗੀਆਂ ਟੀਮਾਂ ਨੂੰ ਸੱਦਾ ਦਿੰਦੇ ਸੀਉੱਥੇ ਸਾਨੂੰ ਬਹੁਤ ਸਾਰੇ ਨਵੇਂ ਨੌਜਵਾਨ ਮਿਲਦੇ ਸਨਸੰਗਰੂਰ ਨੇੜਲੇ ਸ਼ਹਿਰ ਦੀ ਟੀਮ ਉਸ ਸਮੇਂ ਬੜੀ ਤਕੜੀ ਮੰਨੀ ਜਾਂਦੀ ਸੀਉਸ ਟੀਮ ਵਿੱਚ ਖੇਡਣ ਵਾਲੇ ਬਹੁਤੇ ਨੌਜਵਾਨ ਮਿਹਨਤਕਸ਼ ਪਰਿਵਾਰਾਂ ਵਿੱਚੋਂ ਸਨਉਹ ਉਸ ਸਮੇਂ ਦੀ ਬੜੀ ਸ਼ਾਨਦਾਰ ਟੀਮ ਸੀਉਸਨੇ ਸਾਡੇ ਟੂਰਨਾਮੈਂਟ ਨੂੰ ਕਈ ਵਾਰੀ ਜਿੱਤਿਆ ਸੀਖੇਡ ਭਾਵਨਾ ਕਰਕੇ ਖਿਡਾਰੀਆਂ ਦਾ ਇੱਕ ਆਪਣਾ ਹੀ ਭਾਈਚਾਰਾ ਹੁੰਦਾ ਹੈਖਿਡਾਰੀ ਕਦੇ ਵੀ ਇੱਕ ਦੂਜੇ ਨਾਲ ਊਚ ਨੀਚ ਨਹੀਂ ਕਰਦੇਉਸ ਟੀਮ ਦੇ ਕਈ ਖਿਡਾਰੀ ਵੇਟਰਾਂ ਦੇ ਰੂਪ ਵਿੱਚ ਮੇਰੇ ਸਾਹਮਣੇ ਸਨ

ਉਨ੍ਹਾਂ ਸਾਰਿਆਂ ਨੇ ਮੈਂਨੂੰ ਬਹੁਤ ਪਿਆਰ ਨਾਲ ਸਤਿ ਸ੍ਰੀ ਅਕਾਲ ਬੁਲਾਈਉਹ ਬਤੌਰ ਖਿਡਾਰੀ ਅਤੇ ਕਲੱਬ ਦਾ ਸਰਗਰਮ ਮੈਂਬਰ ਹੋਣ ਦੇ ਨਾਤੇ ਮੈਂਨੂੰ ਵਿਸ਼ੇਸ਼ ਤੌਰ ’ਤੇ ਆਦਰ ਮਾਣ ਦੇ ਰਹੇ ਸਨਅਸੀਂ ਥੋੜ੍ਹਾ ਸਮਾਂ ਗੱਲਬਾਤ ਕੀਤੀ ਅਤੇ ਇਸ ਤੋਂ ਬਾਅਦ ਟੈਂਟ ਦੇ ਅੰਦਰ ਚਲੇ ਗਏ

ਕੁਝ ਖਾਣ ਪੀਣ ਤੋਂ ਬਾਅਦ ਨਵੀਂ ਜੋੜੀ ਤਾਂ ਆਨੰਦ ਕਾਰਜ ਲਈ ਗੁਰਦੁਆਰਾ ਸਾਹਿਬ ਚਲੀ ਗਈ, ਸਾਡੇ ਸਾਹਮਣੇ ਦੋਗਾਣਾ ਜੋੜੀ ਨੇ ਆਪਣਾ ਅਖਾੜਾ ਬੰਨ੍ਹ ਲਿਆਅਸੀਂ ਕਈ ਜਣੇ ਇੱਕ ਮੇਜ਼ ਉੱਪਰ ਬੈਠ ਗਏਅਫਸਰ ਅਤੇ ਦੂਜੇ ਵਿਸ਼ੇਸ਼ ਮਹਿਮਾਨ ਵੀ ਆਪਣੀਆਂ ਆਪਣੀਆਂ ਮਹਿਫਲਾਂ ਹੋਰ ਮੇਜ਼ਾਂ ਉੱਪਰ ਸਜਾ ਕੇ ਬੈਠ ਗਏਮੇਰੇ ਦੋਸਤ ਖਿਡਾਰੀਆਂ ਨੇ ਮੇਰੇ ਲਈ ਖਾਣ ਪੀਣ ਦਾ ਸਾਮਾਨ ਲਿਆਉਣ ਵਾਲੀਆਂ ਹਨੇਰੀਆਂ ਲਿਆ ਦਿੱਤੀਆਂਸਭ ਤੋਂ ਪਹਿਲਾਂ ਤੇ ਸਭ ਤੋਂ ਜ਼ਿਆਦਾ ਸਪਲਾਈ ਸਾਡੇ ਵਾਲੇ ਮੇਜ਼ ਉੱਤੇ ਹੋ ਰਹੀ ਸੀਉਹ ਆਪਸ ਵਿੱਚ ਗੱਲਾਂ ਕਰਦੇ ਕਹਿ ਰਹੇ ਸਨ ਕਿ ਬਾਈ ਆਇਆ ਹੋਇਆ ਹੈ, ਆਪਾਂ ਬਾਈ ਦੀ ਪੂਰੀ ਸੇਵਾ ਕਰਨੀ ਹੈਉਹ ਲਗਾਤਾਰ ਮੇਰੇ ਨੇੜੇ ਤੇੜੇ ਮੰਡਰਾਉਂਦੇ ਰਹੇ ਤੇ ਮੈਂ ਉਨ੍ਹਾਂ ਨਾਲ ਗੱਲਬਾਤ ਕਰਦਾ ਰਿਹਾ

ਦੂਜੇ ਪਾਸੇ ਮੇਰੇ ਸਾਲਾ ਸਾਹਿਬ ਤੇ ਸਹੁਰਿਆਂ ਦਾ ਪਰਿਵਾਰ ਹੈਰਾਨ ਪ੍ਰੇਸ਼ਾਨ ਸੀ ਕਿ ਉਨ੍ਹਾਂ ਦੇ ਜਵਾਈ ਭਾਈ ਦੀ ਜਾਣ ਪਛਾਣ ਇੰਨੀ ਦੂਰ ਇਨ੍ਹਾਂ ਬਹਿਰਿਆਂ ਨਾਲ ਕਿਸ ਤਰ੍ਹਾਂ ਹੈ? ਕਿਉਂਕਿ ਸਾਡੇ ਸਮਾਜ ਵਿੱਚ ਬੰਦੇ ਦਾ ਮੁੱਲ ਧਨ, ਰੁਤਬਾ ਜਾਂ ਕੰਮ ਦੇਖ ਕੇ ਪਾਇਆ ਜਾਂਦਾ ਹੈਸਾਡੇ ਰਹਿਬਰਾਂ ਵਲੋਂ ਹੱਥੀਂ ਕਿਰਤ ਦੇ ਉਪਦੇਸ਼ ਨੂੰ ਦਰ ਕਿਨਾਰ ਕਰਕੇ ਕਾਮਿਆਂ ਨੂੰ ਨਿਗੁਣਾ ਸਮਝਿਆ ਜਾਂਦਾ ਹੈਉਹ ਸ਼ਾਇਦ ਸੋਚ ਰਹੇ ਸਨ ਕਿ ਕਿਤੇ ਉਹਨਾਂ ਆਪਣੀ ਕੁੜੀ ਦਾ ਰਿਸ਼ਤਾ ਗ਼ਲਤ ਥਾਂ ਉੱਤੇ ਤਾਂ ਨਹੀਂ ਕਰ ਦਿੱਤਾਮੈਂ ਵੀ ਪ੍ਰਵਾਹ ਨਾ ਕਰਦੇ ਹੋਏ ਚੱਲਦੇ ਪ੍ਰੋਗਰਾਮ ਵਿੱਚ ਇੱਕ ਪਾਸੇ ਜਾ ਖੜ੍ਹਿਆ ਤੇ ਅਸੀਂ ਇੱਕ ਦੋ ਤਸਵੀਰਾਂ ਵੀ ਇਕੱਠਿਆਂ ਖਿਚਵਾਈਆਂਮੇਰੀ ਐਨੀ ਆਓ ਭਗਤ ਦੇਖ ਕੇ ਦੂਜੇ ਮੇਜ਼ਾਂ ਉੱਤੇ ਬੈਠੇ ਖਾਸ ਮਹਿਮਾਨ ਵੀ ਹੈਰਾਨ ਸਨਇੱਕ ਦੋ ਮਹਿਮਾਨ ਤਾਂ ਈਰਖਾ ਵੀ ਮਹਿਸੂਸ ਕਰ ਰਹੇ ਸਨ ਕਿ ਇਸ ਮੇਜ਼ ਵਾਲਿਆਂ ਨੂੰ ਇੰਨੀ ਤਵੱਜੋ ਕਿਉਂ ਮਿਲ ਰਹੀ ਹੈਉਹਨਾਂ ਵਿੱਚੋਂ ਇੱਕ ਨੇ ਤਾਂ ਵਿਆਂਹਦੜ ਲੜਕੇ ਦੇ ਬਾਪ ਨੂੰ ਪੁੱਛ ਹੀ ਲਿਆ – ਔਹ ਕਿਹੜਾ ਵੀ ਆਈ ਪੀ ਬੈਠਾ ਹੈ, ਜਿਸ ਦੀ ਸਭ ਤੋਂ ਵਧ ਸੇਵਾ ਹੋ ਰਹੀ ਹੈ?

ਥੋੜ੍ਹੇ ਸਮੇਂ ਬਾਅਦ ਲੜਕੇ ਦੇ ਪਿਤਾ ਤੋਂ ਮੈਂਨੂੰ ਇਸ ਗੱਲ ਦਾ ਪਤਾ ਲੱਗ ਗਿਆਮੈਂ ਆਪਣੇ ਸਾਲਾ ਸਾਹਿਬ ਨੂੰ ਨਾਲ ਲੈ ਕੇ ਉਹਨਾਂ ਦੀ ਮੇਜ਼ ਉੱਤੇ ਜਾ ਬੈਠਾਸੇਵਾ ਦਾ ਦੌਰ ਉੱਥੇ ਵੀ ਸ਼ੁਰੂ ਹੋ ਗਿਆਉਹ ਇਹ ਦੇਖ ਕੇ ਹੋਰ ਜ਼ਿਆਦਾ ਹੈਰਾਨ ਹੋ ਗਏਉਹਨਾਂ ਦੀ ਹੈਰਾਨੀ ਦੂਰ ਕਰਨ ਲਈ ਮੈਂ ਕਿਹਾ, “ਇਹ ਸੇਵਾ ਮੇਰੇ ਕਿਸੇ ਵੀ ਆਈ ਪੀ ਹੋਣ ਕਰਕੇ ਨਹੀਂ ਹੋ ਰਹੀ, ਮੈਂ ਤਾਂ ਸਧਾਰਨ ਬੰਦਾ ਹਾਂਇਹ ਤਾਂ ਇੱਕ ਖਿਡਾਰੀ ਦੀ ਦੂਜੇ ਖਿਡਾਰੀਆਂ ਵੱਲੋਂ ਭਾਈਚਾਰਕ ਸੇਵਾ ਹੈ।”

ਉਹਨਾਂ ਨੂੰ ਸ਼ਾਇਦ ਮੇਰੀ ਗੱਲ ਦੀ ਸਮਝ ਨਹੀਂ ਲੱਗੀ ਪਰ ਮੇਰਾ ਸਹੁਰਾ ਪਰਿਵਾਰ ਅਸਲੀਅਤ ਸਮਝ ਗਿਆ ਸੀ

*****

ਨੋਟ: ਹਰ ਲੇਖਕ ‘ਸਰੋਕਾਰ’ ਨੂੰ ਭੇਜੀ ਗਈ ਰਚਨਾ ਦੀ ਕਾਪੀ ਆਪਣੇ ਕੋਲ ਸੰਭਾਲਕੇ ਰੱਖੇ।)

(1889)

(ਸਰੋਕਾਰ ਨਾਲ ਸੰਪਰਕ ਲਈ: This email address is being protected from spambots. You need JavaScript enabled to view it.om)

About the Author

ਭੁਪਿੰਦਰ ਸਿੰਘ ਮਾਨ

ਭੁਪਿੰਦਰ ਸਿੰਘ ਮਾਨ

Phone: (91 - 94170 - 81419)
Email:(Bhupindermann2009@gmail.com)

More articles from this author